હળવદના રાયસંગપર ગામે વાડીના સેઢે જુગાર રમતા 6 શખ્સ 12,670 ની રોકડ સાથે પકડાયા

હળવદના રાયસંગપર ગામની સીમમાં વાડીના સેઢા પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા છ શખ્સો મળી આવ્યા હોય પોલીસે 12,670 ની રોકડ સાથે તેની ધરપકડ કરી હતી અને મોરબી હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

જાણવા મળતી માહિતી પ્રમાણે હળવદ તાલુકા પોલીસની ટીમ પેટ્રોલિંગમાં હતી ત્યારે રાયસંગપર ગામની સીમમાં પરસોત્તમભાઈ છગનભાઈ દલવાડીની વાડીના સેઢા પાસે ઝાડ નીચે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી હમીરભાઈ મેરૂભાઈ ચૌહાણ (50), નટવરભાઈ ઉર્ફે ટાબાભાઈ કાનાભાઈ ચાવડા (55), રમેશભાઈ કચરાભાઈ જાંબુકિયા (51), રવજીભાઈ ગોરધનભાઈ લોલાડીયા (50) રમેશભાઈ ઠાકરશીભાઈ ડાભી (40) અને ધનજીભાઈ છગનભાઈ પરમાર (60) રહે. બધા રાયસંગપર વાળા જુગાર રમતા મળી આવ્યા હોય પોલીસે તેની પાસેથી 12,670 ની રોકડ કબજે કરી હતી અને હળવદ તાલુકા પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે

વરલી જુગાર

મોરબીમાં આવેલ મચ્છીપીઠ પાસે જાહેરમાં વરલી જુગારના આંકડા લેવામાં આવતા હોવાની હકીકત મળી હતી જેના આધારે પોલીસે ત્યાં રેડ કરી હતી ત્યારે સ્થળ ઉપરથી ફારુકભાઈ અબુભાઈ દોસાણી (51) રહે. મદીના સોસાયટી વીસીપરા મોરબી વાળા વરલી જુગારના આંકડા લેતા મળી આવ્યો હોય પોલીસે તેની પાસેથી 600 રૂપિયાની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે