ફિલ્મી સ્ટંટ ?: મોરબીમાં બોલેરોમાં ભરેલ ઓવરલોડ માલમાંથી વસ્તુઓ પડું-પડું હોવા છતાં વાહન બેફામ ગતિએ રોડ ઉપર દોડતું રહ્યું ! સાબ્બાસ: દિલ્હીમાં અભ્યાસ કરતી રેપ પીડિત દીકરીની શિક્ષણ ફી મોરબીની મુસ્કાન વેલફેર સોસાયટી દ્વારા ભરવામાં આવી મોરબીમાં ચિલ્ડ્રન ડેવલપમેન્ટ ફાઉન્ડેશન દ્વારા ઓપન ગુજરાત ડાન્સ કોમ્પીટીશનનું આયોજન મોરબી જિલ્લામાં ખેડૂતોએ બિયારણ, ખાતર અને જંતુનાશક દવાઓની ખરીદી વખતે સાવચેતી રાખવા અનુરોધ મોરબી જિલ્લાના ૬,૩૨૭ થી વધુ ઉમેદવારોએ અનુબંધમ પોર્ટલથી કરાવી નોંધણી મોરબીના હજનાળી ગામે મંદિરમાંથી 9.91 લાખના આભૂષણો-છતરની ચોરી, તસ્કરોને પકડવા દોડધામ ટંકારા આઈ.ટી.આઈ. ખાતે ૧૯ નવેમ્બરે ભરતીમેળો યોજાશે ખેડૂતોને મળશે ભીડમાંથી મુક્તિ: મોરબી જિલ્લામાં ફર્ટિલાઈઝર વિતરણની નવી ડિજિટલ પહેલ: હવે FFS એપ દ્વારા ખાતરનું એડવાન્સ બુકિંગ કરી શકાશે
Breaking news
Morbi Today

ગંદકી કરનારા સાવધાન: મોરબીમાં જાહેરમાં લઘુશંકા કરી તો દંડ તો થશે જ સાથે હોર્ડીંગ બોર્ડમાં ફોટો પણ આવશે


SHARE







































ગંદકી કરનારા સાવધાન: મોરબીમાં જાહેરમાં લઘુશંકા કરી તો દંડ તો થશે જ સાથે હોર્ડીંગ બોર્ડમાં ફોટો પણ આવશે

મોરબીને સ્વચ્છ બનાવવા માટે મહાપાલિકાની જુદીજુદી ટીમો કામ કરી રહી છે તેવાં ઘણી જગ્યાએ લોકો જાહેરમાં લઘુ શંકા કરતાં હોવાનું સામે આવ્યું હતું જેથી કરીને ગંદકીને રોકવા માટે નવતર અભિગમ મહાપાલિકાએ અપાવ્યો છે અને જાહેરમાં કોઈપણ વ્યક્તિ લઘુ શંકા કરતાં મળી આવે તો તેની પાસેથી દંડ વસૂલ કરવામાં આવશે આટલું જ નહીં તેના ફોટો પણ હોર્ડીંગ બોર્ડમાં લગાવવામાં આવશે.

તાજેતરમાં મોરબીને મહાપાલિકાનો દરજ્જો આપવામાં આવેલ છે જો કે, ઓદ્યોગિક નગરી મોરબીમાં ચોમેર ગંદકી જોવા મળી રહી છે ત્યારે મહાપાલિકાના કમિશ્નર દ્વારા શહેરને સ્વચ્છ બનાવ માટે કામ કરવામાં આવી રહ્યું છે અને તેમાં જુદીજુદી સંસ્થાઓનો સહકાર પણ મળી રહ્યો છે જો કે, સફાઈ ઝુંબેશ અંતર્ગત ઘણી જગ્યાએ જાહેરમાં લઘુશંકા કરવામાં આવતી હોવાનું સામે આવ્યું હતું જેથી તેને રોકવા માટે જાહેરમાં લઘુશંકા કરનારના ફોટો સાથેના બેનરો જાહેર માર્ગ પર મૂકવાનો નિર્ણય કરવામાં આવેલ છે અને હાલમાં ગાંધી ચોક, શનાળા રોડ બસ સ્ટેશન, જૂના બસ સ્ટેશન સહિતના વિસ્તારમાં હોર્ડીંગ મૂકવામાં આવેલ છે. તેને નગરજનોએ પણ આવકારેલ છે.

મોરબીમાં રોડ સાઈડના ઉકરડાઓ દૂર કરીને ગંદકી સાફ કરવા માટેનું કામ કરવામાં આવી રહ્યું છે. જો કે, સાફ કરેલ જગ્યાએ જાહેરમાં ઘણા લોકો લઘુશંકા કરતા હોય છે અને ગંદકી ફેલાવે છે જેથી કરીને આવા લોકો પાસેથી દંડ લેવાનું નક્કી કરવામાં આવ્યું છે અને 50 થી લઈને 500 સુધી દંડ લેવાનો નિર્ણય કર્યો છે અને તે વ્યક્તિનો ફોટો પાડીને મોરબીના જાહેર માર્ગ ઉપરના હોર્ડીંગ બોર્ડમાં પણ લગાવવામાં આવશે જેથી કરીને કોઈપણ વ્યક્તિએ જાહેરમાં લઘુશંકા ન કરવા માટે સેનિટેશન ઈન્સ્પેકટર કૃષ્ણસિંહ જાડેજા દ્વારા તાકીદ કરવામાં આવેલ છે.

સારા કામ કરે અને જાહેર માર્ગ ઉપર મૂકવામાં આવેલ હોર્ડીંગમાં ફોટો આવે તે તો સમજી શકાય તેમ છે. પરંતુ મોરબીમાં ગંદકી ફેલવનારાઓને રોકવા માટે હવે મહાપાલિકાએ લાલ આંખ બતાવી છે અને જાહેરમાં લઘુશંકા કરનારના ફોટો સાથના હોર્ડીંગ મૂકવાનુ શરૂ કર્યું છે જેથી કરીને લોકોને જાહેરમાં લઘુશંકા ન કરવા માટેની જાહેરમાં ચેતવણી આપવામાં આવેલ છે જો કે તેને અવગણીને કોઈ જાહેરમાં લઘુશંકા કરશે તો તેને તંત્ર છોડશે નહીં.
















Latest News