મોરબી એ ડિવિઝન પોલીસની ટીમ પેટ્રોલિંગમાં હતી ત્યારે સનાળા રોડ ઉપર આવેલ લેન્ડમાર્ક આર્કેડ શોપિંગમાં બીજા માળે શ્રીકૃષ્ણ એન્ટરપ્રાઇઝ નામની ઓફિસની ધરાવતા ઉત્તમભાઈ રમેશભાઈ કાવર બહારથી માણસોને બોલાવીને ક્રિકેટ સટાનો જુગાર રમવા માટે સાધનો પૂરા પાડતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી ઉત્તમભાઈ રમેશભાઈ કાવર (27) રહે. ગંગા દર્શન એપાર્ટમેન્ટ બ્લોક નં. 102 શક્તિ ટાઉનશીપ રવાપર મોરબી, હાર્દિકભાઈ પ્રવીણભાઈ રંગપડિયા (32) રહે. બોની પાર્ક ઓમ એપાર્ટમેન્ટ બ્લોક નં. 502 મોરબી, હાર્દિકભાઈ બાબુભાઈ રૂપાલા (32) રહે. નાની વાવડી ઓમ પાર્ક મોરબી અને ભાવિકભાઈ ગણેશભાઈ ગોધવીયા (30) રહે. ઉમિયા સર્કલ તપોવન રેસીડેન્સી બ્લોક નં. 303 મોરબી વાળા મળી આવ્યા હતા જેથી કરીને પોલીસે 7500 રૂપિયાની રોકડ તથા 3 લાખની કિંમતના 5 મોબાઇલ ફોન મળીને 3,07,500 ની કિંમતનો મુદ્દામાલ કબજે કર્યો હતો અને ક્રિકેટ સટ્ટો રમવા માટે વિશાલ દેવદાનભાઈ ડાંગર રહે. રવાપર મોરબી વાળા પાસેથી આઈડી મેળવ્યું હોવાનું સામે આવતા મોરબી એ ડિવિઝન પોલીસ સ્ટેશન ખાતે 5 શખ્સોની સામે ગુનો નોંધાયો છે અને વિશાલ ડાંગરને પકડવા માટે પોલીસે તજવીજ હાથ ધરી છે.