હળવદ તાલુકા પંચાયતની એક બેઠકની પેટા ચૂંટણીમાં ભાજપમાં ભગવો લહેરાયો

હળવદ તાલુકા પંચાયતના આમ આદમી પાર્ટીના સદસ્યનું અગાઉ માર્ગ અકસ્માતમાં અવસાન થયું હતું જેથી એક બેઠક ખાલી પડી હતી અને તેના માટે પેટા ચૂંટણી યોજાઈ હતી જેની આજે મતગણતરી કરવામાં આવતા મત પેટી ખુલતાની સાથે જ હળવદ તાલુકા પંચાયતની રણછોડગઢ બેઠક ઉપર ભાજપનો ભગવો લહેરાયો છે અને ભાજપના ઉમેદવારનો 145 મતથી વિજય થયો છે

મોરબી હળવદ હાઇવે રોડ ઉપર ગત જૂન મહિનામાં અકસ્માતનો બનાવ બન્યો હતો જે બનાવમાં કાર ડમ્પરમાં ઘૂસી ગઈ હતી અને બનાવમાં હળવદ તાલુકા પંચાયતની રણછોડગઢ બેઠકના સદસ્ય પ્રેમજીભાઈ દઢૈયાનું ગંભીર ઇજા થવાના કારણે મોત નિપજ્યું હતું જેથી હળવદ તાલુકા પંચાયતની આ બેઠક ખાલી પડી હતી ત્યારબાદ આ બેઠક માટે થઈને પેટા ચૂંટણી જાહેર કરવામાં આવી હતી અને તેનું મતદાન થયું હતું જો કે, આજ રોજ હળવદ મામલતદાર કચેરી ખાતે મત ગણતરી કરવામાં આવી હતી ત્યારે ઇવીએમમાં પડેલા મતોની ગણતરી કરવામાં આવતા મત ગણતરી પૂરી થતાની સાથે જ ભાજપના ઉમેદવાર ભરતભાઈ નંદેસરીયાનો 145 મતે વિજય થયો છે આમ રણછોડગઢ બેઠક આમ આદમી પાર્ટી પાસેથી ભાજપે આંચકી લીધેલ છે