કચ્છના સાંસદ વિનોદભાઈ ચાવડા દ્વારા સુખપર (રોહા) ખાતે સ્નેહમિલન-લોકડાયરાનું આયોજન
SHARE
JOIN OUR GROUP
કચ્છના સાંસદ વિનોદભાઈ ચાવડા દ્વારા સુખપર (રોહા) ખાતે સ્નેહમિલન-લોકડાયરાનું આયોજન
કચ્છ લોકસભાની ઉત્સવપ્રિય જનતાને દીપોત્સવ તથા નૂતન વર્ષની હાર્દિક શુભકામનાઓ પાઠવતા કચ્છ- મોરબી લોકસભાના લોકપ્રિય સાંસદ વિનોદભાઈ ચાવડા દ્વારા પોતાના માદરે વતન સુખપર (રોહા) ખાતે ભાઈબીજના પવિત્ર પર્વ નિમિત્તે ભવ્ય સ્નેહમિલન, લોકડાયરો તથા ભોજન-પ્રસાદનું આયોજન કરવામાં આવ્યું છે.
આ કાર્યક્રમનું આયોજન તા.11 નવેમ્બર, 2026 (બુધવાર – ભાઈબીજ)ના રોજ રામદેવજી મહારાજના મંદિર, સુખપર (રોહા), તા. નખત્રાણા ખાતે કરવામાં આવ્યું છે. આ પ્રસંગે યોજાનાર લોકડાયરામાં જાણીતા લોકગાયિકા શ્રીમતી દિવાળીબેન આહીર, લોકપ્રિય લોકસાહિત્યકાર રાજભા ગઢવી તથા રમેશભાઈ જોષી પોતાની આગવી શૈલીમાં લોકસંગીત અને લોકસાહિત્યની રમઝટ બોલાવશે. આ કાર્યક્રમ અંતર્ગત સાંજે 7:00 કલાકે સ્નેહમિલનનું આયોજન કરવામાં આવ્યું છે, ત્યારબાદ રાત્રે 7:00થી 9:00 કલાક દરમિયાન લોકડાયરાનું આયોજન કરવામાં આવ્યું છે. આ ઉપરાંત ઉપસ્થિત સૌ મહેમાનો માટે ભોજન-પ્રસાદની વ્યવસ્થા પણ કરવામાં આવી છે. આ સ્નેહમિલન કાર્યક્રમમાં કચ્છની જનતા, આગેવાનો, કાર્યકરો તથા સૌ શુભેચ્છકોને સહપરિવાર ઉપસ્થિત રહી કાર્યક્રમની શોભા વધારવા સાંસદ વિનોદભાઈ ચાવડા દ્વારા ભાવભર્યું નિમંત્રણ પાઠવવામાં આવ્યું છે
