મોરબી શહેર-તાલુકામાં ઘરફોડ- વાહન ચોરીમાં સંડોવાયેલ શખ્સ પકડાયો

મોરબી તાલુકા પોલીસ સ્ટેશન વિસ્તારમાં ઘરફોડ ચોરી તથા વાહન ચોરી અને એ ડિવિઝન પોલીસ સ્ટેશન વિસ્તારમાંથી વાહન ચોરીના ગુનામાં છેલ્લા છ મહિનાથી આરોપી નાસતો ફરતો હતો જે બરવાળા ગામના બસ સ્ટેશન પાસે હોવાની ચોક્કસ હકીકત આધારે મોરબી તાલુકા પોલીસ ટીમ દ્વારા આરોપીને ત્યાંથી ઝડપી લેવામાં આવેલ છે અને આગળની કાર્યવાહી હાથ ધરવામાં આવી છે

મોરબી તાલુકા પોલીસ સ્ટેશન વિસ્તારમાં થયેલ ઘરફોડ ચોરી તથા વાહન ચોરીના ગુનામાં સંડોવેલ આરોપીને પકડવા માટે થઈને તાલુકા પોલીસ તજવીજ કરી રહી હતી દરમિયાન ચોક્કસ હકીકત મળી હતી કે, ચોરીના ગુનામાં સંડોવાયેલ આરોપી બરવાળા ગામના બસ સ્ટેશન પાસે ઉભેલ છે જેથી કરીને બાતમી વાળી જગ્યાએ તાલુકા પોલિસની ટીમ પહોચી હતી અને ત્યાં હાજર રહેલા શખ્સને ઝડપી લીધો હતો અને તેનું નામ પૂછવામાં આવતા કમલસિંહ ઉર્ફે ભાયો કેલસીંગ અલાવ (34) રહે. બોગાલી નરવાલી તાલુકો કુકસી જીલ્લો ધાર એમપી વાળાની ધરપકડ કરેલ છે અને તેની પ્રાથમિક પૂછપરછ દરમિયાન મોરબી એ ડિવિઝન પોલીસ સ્ટેશન વિસ્તારમાંથી પણ તેણે વાહન ચોરી કરી હોવાની હકીકત સામે આવેલ છે આમ ઘર ફોડ ચોરી અને વાહન ચોરીના ગુનામાં સંડોવાયેલ આરોપીને પકડીને પોલીસે રાબેતા મુજબની કાર્યવાહી હાથ ધરી છે