વર્તમાન સમયમાં લાલબતી સમાન કહી શક્ય તેવી એક પછી એક ઘટનાઓ સામે આવી રહી છે તેવામાં મોરબી નજીકના બેલા ગામ પાસે કારખાના ક્વાર્ટરમાં રહેતા અને મજૂરી કામ કરતાં પરિવારની સગીર દીકરી વધુ પડતી મોબાઈલ ફોનમાં કોઇની સાથે વાતો કરતી હતી જેથી કરીને તેની માતાએ મોબાઈલ ફોનમાં વાતો કરવાની ના પડીને ઠપકો આપ્યો હતો જેથી તેને લાગી આવતા સગીરાએ કવાર્ટરમાં ગળાફાંસો ખાઈને આપઘાત કરી લીધો હતો જે બનાવની પોલીસે નોંધ કરીને આગળની કાર્યવાહી કરેલ છે.

મોરબી તાલુકાના બેલા ગામની સીમમાં આવેલ મુરાનો સિરામિક કારખાનાના લેબર કવાર્ટરમાં રહેતા અને મજૂરી કામ કરતા પરિવારની 16 વર્ષની દીકરી સુનીતાબેન પ્રીતમભાઈ ભીલાલાએ પોતે પોતાની જાતે લેબર કવાર્ટરની અંદર ગળાફાંસો ખાઈ લીધો હતો જેથી તેના મૃતદેહને પીએમ માટે સિવિલે લઈને આવ્યા હતા અને આ બનાવની કિશનભાઇ પરસોતમભાઈ રહે. લૂંટાવદર વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે આપઘાતના બનાવની નોંધ કરી આગળની કાર્યવાહી હાથ ધરી હતી અને આ બનાવની તપાસ કરી રહેલા ફિરોજભાઈ સુમરા પાસેથી મળતી માહિતી મુજબ મૃતક સગીતા મોબાઈલ ફોન ઉપર કોઇની સાથે વધુ પડતી વાતો કરતી હતી જેથી તેની માતાએ ફોન ઉપર વાતો કરવાની ના પડી હતી અને ઠપકો આપ્યો હતો જેથી કરીને સગીરાને લાગી આવતા તેને પોતાની જાતે અંતિમ પગલું ભરી લીધું છે