માળીયા (મી)ના પંચવટી ગામના પાટીયા પાસે ભંગારનો ડેલો ખાલી કરવા યુવાનને જાનથી મારી નાખવાની ધમકી: 4 સામે ફરિયાદ

માળીયા (મી)ના પંચવટી ગામના પાટીયા પાસે ભંગારનો ડેલો ધરાવતા યુવાન સાથે બે શખ્સોને મનદુઃખ ચાલતું હતું અને ભંગારના ડેલા પાસે યુવાનનો કૌટુંબિક ભાઈ ચોકીદાર તરીકે કામ કરતો હોય ત્યાં હાજર હતો ત્યારે સ્કોર્પિયો ગાડીમાં 4 શખ્સો ત્યાં આવ્યા હતા અને યુવાનને ગાળો આપી હતી ત્યારે યુવાને ગાળો આપવાની ના પડી હતી જેથી તેને ગાડીમાં આવેલા બે શખ્સોએ કહ્યું હતું કે “ડેલો ખાલી કરી દેજે જો અહીંયા દેખાણા તો જાનથી મારી નાખશું અને કહી દેજે અલ્તાફને ભંગારનો ડેલો ખાલી કરી દે નકર તને અને અલ્તાફ જાનથી મારી નાખશું” તેવી ધમકી આપી હતી અને ત્યારબાદ ચારેય આરોપીઓ ત્યાંથી નાસી ગયા હતા. આ બનાવ સંદર્ભે યુવાને નોંધાવેલ ફરિયાદ આધારે પોલીસે ચાર શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે

માળીયાના ખીરઈ ગામે રહેતા સુલતાનભાઈ રહેમાનભાઈ સામતાણી (47)એ હાલમાં ઇકબાલભાઈ હાજીભાઇ મોવર અને રણમલભાઈ દિલાવરભાઈ સામતાણી રહે. બંને ખીરાઈ વાળાની સામે ફરિયાદ નોંધાવેલ છે જેમાં જણાવ્યુ છે કે, ફરિયાદીના કૌટુંબિક કાકાના દીકરા અલ્તાફને આરોપીઓ સાથે મનદુખ ચાલે છે અને અલ્તાફે ભાડે રાખેલ ભંગારના ડેલે ફરિયાદી રાતે ચોકીદારી કરતો હોય આરોપીઓ કાળા કલરની સ્કોર્પિયો ગાડી લઈને ત્યાં ભંગારના ડેલા પાસે આવ્યા હતા અને ત્યારે આરોપી ઈકબાલ અને રણમલ તથા અન્ય બે અજાણ્યાશખ્સે ફરિયાદીને ગાળો આપી હતી જેથી ફરિયાદીએ ગાળો આપવાની ના પાડતા ઈકબાલ અને રણમલાઈ ઉશ્કેરાઈ ગયા હતા અને તેઓની પાસે રહેલ છરીને કાઢીને ફરિયાદીને છરી બતાવી હતી તેમજ તેને છરી મારવા માટે દોડ્યા હતા અને કહ્યું હતું કે, “ડેલો ખાલી કરી દેજે જો નહીં દેખાણા તો જાનથી મારી નાખીશું અને અલ્તાફને કહી દેજે ભંગારનો ડેલો ખાલી કરી દે નકર તને અને અલ્તાફને જાનથી મારી નાખશું” ત્યારબાદ આરોપીઓ ત્યાંથી જતા રહ્યા હતા હાલમાં આ બનાવ સંદર્ભે યુવાને નોંધાવેલ ફરિયાદ આધારે પોલીસે 4 શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે