મોરબીમાંથી બીયરના 24 ટીન સાથે બે શખ્સ પકડાયા

મોરબીના જુના રફાળેશ્વર રોડ ઉપર રેલવે ફાટક પાસેથી પસાર થઈ રહેલા બે શખ્સને રોકીને પોલીસ દ્વારા ચેક કરવામાં આવ્યા હતા ત્યારે તેની પાસેથી બીયરના 24 ટીન મળી આવ્યા હતા જેથી પોલીસે 3,000 રૂપિયાની કિંમતના બીયર સાથે બે શખ્સોને પકડીને તેની સામે બી ડિવિઝન પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે

મોરબી બી ડિવિઝન પોલીસની ટિમ પેટ્રોલિંગમાં હતી ત્યારે મોરબીના જુના રફાળેશ્વર રોડ ઉપર નજરબાગ રેલવે ફાટક નજીકથી પસાર થયેલા બે શખ્સોને રોકોમાં આવ્યા હતા અને તેને ચેક કરવામાં આવતા આ બંને શખ્સ પાસેથી બીયરના 24 ટીન મળી આવ્યા હતા જેથી પોલીસે 3000 રૂપિયાની કિંમતનો બિયરનો જથ્થો કબજે કર્યો હતો અને આરોપી રાહુલ શંકરભાઈ ધોળકિયા (19) રહે. ભડીયાદ કાંટા પાસે મોરબી અને અનીશ સલીમભાઈ પંજવાણી (29) રહે. સોઓરડી જરીયા પાન પાસે મોરબી વાળાને પકડવામાં આવ્યા હતા અને તે બંને સામે મોરબી બી ડિવિઝન પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી છે અને આ શખ્સો પાસેથી મળી આવેલ બિયરના ટીમ તેઓ ક્યાંથી લાવ્યા હતા તે દિશામાં પોલીસે તપાસ હાથ ધરી છે