વાંકાનેરના માટેલ નજીક કારખાનામાં રિવર્સમાં આવતા ટ્રક ટ્રેલરની નીચે કચડાઈ જવાથી યુવાનનું ઘટના સ્થળે જ મોત

વાંકાનેરના માટેલ ગામની સીમમાં આવેલ ક્યુરો સીરામીક કારખાનાના પાર્કિંગમાં ટ્રક ટ્રેલરના ચાલકે પોતાનો ટ્રક બેદરકારીથી રિવર્સમાં લીધો હતો ત્યારે ટ્રક ટ્રેલરની નીચેના ભાગમાં પ્રેશર પાઇપને ચેક કરવા માટે ગયેલા યુવાનને ટ્રક ટ્રેલરની નીચે કચડી નાખ્યો હતો અને યુવાનના પેટ, છાતી અને માથાના ભાગે ગંભીર ઈજા કરી હતી જેથી તે યુવાનનું ઘટના સ્થળે જ મોત નીપજયું હતું ત્યારબાદ મૃતક યુવાનના કાકાએ નોંધાવેલ ફરિયાદ આધારે પોલીસે ટ્રક ટ્રેલરના ચાલક સામે ગુનો  નોંધીને આરોપીને પકડવા માટે તજવીજ શરૂ કરેલ છે

મૂળ રાજસ્થાનના રહેવાસી અને હાલમાં ભરતનગર ગામે રહેતા અને ટ્રાન્સપોર્ટનો ધંધો કરતા સંતોષકુમાર ભૈરૂલાલ પલસનીયા (52)એ હાલમાં ટ્રક ટ્રેલર નં. આરજે 52 જીબી 4034 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યુ છે કે, માટેલ ગામની સીમમાં આવેલ કયુરો સિરામિક કારખાનાના પાર્કિંગમાં આરોપી ટ્રક ટ્રેલરના ચાલક રામજીલાલ સુરજમલ પલસનીયા રહે. રાજસ્થાન વાળાએ ટ્રક ટ્રેલરને બેદરકારીથી રિવર્સમાં લીધું હતું અને ત્યારે ટ્રક ટ્રેલરની નીચે ટ્રક ટ્રેલરની પ્રેસર પાઇપને ચેક કરવા માટે ગયેલ ફરિયાદીના ભત્રીજા હરફૂલસિંગ જગદીશપ્રસાદ પલસનીયા (37) ના છાતી, પેટ તથા માથાના ભાગ ઉપરથી ટ્રક ટ્રેકરનો પાછળનો જોટો ફરી ગયો હતો જેથી ટ્રક ટ્રેલરની નીચેના ભાગમાં કચડાઈ જવાથી ફરિયાદીના ભત્રીજાનું મોત નીપજ્યું હતું આ બનાવ સંદર્ભે હાલમાં વાંકાનેર તાલુકા પોલીસ સ્ટેશન ખાતે નોંધાયેલ ફરિયાદ આધારે પોલીસે ગુનો નોધીને આરોપીને પકડવા માટે તજવીજ શરૂ કરેલ છે

જુગાર રમતા બે પકડાયા
મોરબીના ત્રાજપર વિસ્તારમાં અવેળા પાસે જાહેરમાં જુગારની રેડ કરવામાં આવી હતી ત્યારે ત્યાં સ્થળ ઉપરથી જુગાર રમતા સંજયભાઈ ઉર્ફે ચનો સવજીભાઈ કુંવરિયા (35) અને કરમણભાઈ સતાભાઇ ઝાપડા (36) રહે. બંને ત્રાજપરમાં અવેળા પાસે મોરબી વાળા મળી આવ્યા હોય પોલીસે 1200 રૂપિયાની રોકડ સાથે તેની ધરપકડ કરી હતી અને બી ડિવિઝન પોલીસ સ્ટેશન ખાતે ગુનો નોંધાયો છે.