મોરબીના રોયલપાર્કમાં ઘરમાંથી પ્રતિબંધીત ૮૫ ચાઇના દોરીની ફિરકી સાથે એક પકડાયો, બેની શોધખોળ
SHARE
JOIN OUR GROUP
મોરબીના રોયલપાર્કમાં ઘરમાંથી પ્રતિબંધીત ૮૫ ચાઇના દોરીની ફિરકી સાથે એક પકડાયો, બેની શોધખોળ
મોરબી જીલ્લામાં પ્રતિબંધીત ચાઇના દોરીની ફિરકી વેચતા વેપારીઓને પકડવામાં આવી રહ્યા છે ત્યારે મોરબી નવલખી રોડ ઉપર આવેલ કુબેરનગર પાસે રોયલપાર્કમાં રહેણાંક મકાનમાં પ્રતિબંધીત ચાઇના દોરીની ફિરકી પકડવા માટે રેડ કરી હતી ત્યારે ઘરમાંથી પ્રતિબંધીત ચાઇના દોરીની ૮૫ ફિરકી જેની કિંમત ૧૭૦૦૦ ના મુદામાલ સાથે હાલમાં એક આરોપી પકડાયેલ છે અને તેની પાસેથી વધુ બે શ્ખ્સોના નામ સામે આવ્યા હોય તેને પકડવા માટે પોલીસે તજવીજ શરૂ કરી છે
અગામી ઉતરાયણના તહેવાર અનુસંધાને મોરબી જીલ્લા મેજિસ્ટ્રેટ દ્વારા ચાઇના દોરીની ફિરકીના વેચાણ ઉપર પ્રતિબંધ મુકતું જાહેરનામું પ્રસિદ્ધ કરવામાં આવ્યું છે અને ચાઈનીજ લોચર, ચાઈનીઝ તુક્કલ, ચાઈનીઝ લેન્ટર્ન તથા ચાઈનીઝ દોરીનો ઉપયોગ કરવા પર પ્રતીબંધ મૂકવામાં આવ્યો છે જે જાહેરનામાનો અમલ કરવા માટે પોલીસ કવાયત કરી રહી છે અને જુદીજુદી રેડ કરવામાં આવી રહી છે ત્યારે એલસીબીના ઇન્ચાર્જ પીઆઇ કે.જે ચૌહાણની સુચના મુજબ સ્ટાફ કામ કરતો હોય છે તેવામાં એલસીબી અને પેરોલ ફર્લો સ્કવોડના સ્ટાફને બાતમી મળી હતી કે, પ્રથમભાઇ મનસુખભાઇ વાણીયા રહે. કુબેરનગર મોરબી વાળો તેના સાગરીતો સાથે મળી મોરબીના રોયલપાર્ક અને કુબેરનગર પાસે રહેતાં કૃણાલ બટુકભાઇ લુહારના રહેણાંક મકાને પ્રતિબંધીત ચાઇનીઝ ફીરકીનો જથ્થાનો સંગ્રહ કરીને વેચાણ કરેલ છે જેથી કરીને પોલીસે રોયલપાર્કમાં આવેલ રહેણાક મકાનમાં રેડ કરી હતી ત્યારે આરોપી પ્રથમભાઇ મનસુખભાઇ કેલા જાતે મોઢવાણીયા (૧૯) રહે. કુબેરનગર ત્રિલોકધામ મંદિર પાસે મોરબી વાળો મળી આવ્યો હતો અને તેની પાસેથી પ્રતિબંધીત ચાઇના દોરીની ૮૫ ફિરકી જેની કિંમત ૧૭૦૦૦ ના મુદામાલ પોલીસે કબજે કરલે છે અને આ આરોપી પાસેથી હાલમાં કૃણાલ બટુકભાઇ પિત્રોડા જાતે લુહાર રહે. રોયલપાર્ક મોરબી અને વિશાલ મહાદેવભાઇ કાચરોલા જાતે પટેલ રહે. કુબેરનગર મોરબી વાળાના નામ સામે આવેલ છે જેથી કરીને પોલીસે તેની સામે પણ ગુનો નોંધીને આરોપીઓને પકડવા માટે ચક્રોગતિમાન કરેલ છે
