મોરબી LCB ની ટીમે ૨૩ ચોરાઉ મોબાઈલ ફોન સાથે એકને દબોચ્યો: ૧.૩૦ લાખનો મુદામાલ કબજે
SHARE
JOIN OUR GROUP
મોરબી LCB ની ટીમે ૨૩ ચોરાઉ મોબાઈલ ફોન સાથે એકને દબોચ્યો: ૧.૩૦ લાખનો મુદામાલ કબજે
મોરબી તાલુકાનાં જાંબુડીયા ગામ પાસેથી મોબાઇલ ફોનની ચીલઝડપ ચાર શખ્સો દ્વારા કરવામાં આવી હતી જેથી કરીને ચોરીની ફરિયાદ નોંધાઈ હતી તતેના આધારે પોલીસે એક આરોપીને ઝડપી લીધેલ છે અને હાલમાં પકડાયેલ આરોપી પાસેથી પોલીસે ચોરી કે ચીલઝડપ કરીને મેળવેલા ૨૩ મોબાઇલ ફોન અને એક બાઇક એમ કુલ મળીને ૧.૩૦ લાખનો મુદામાલ કબજે કરેલ છે અને બીજા આરોપીઓને પકડવા માટે ચક્રોગતિમાન કરેલ છે
મોરબી એલસીબીના પીઆઇ દિપક ઢોલના માર્ગદર્શન હેઠળ સમગ્ર ટીમ કામ કરી રહી છે અને ચોરી, ચીલ ઝડપ સહિતના ગુનાના ભેદને ઉકેવા માટેની તજવીજ કરવામાં આવી રહી છે ત્યારે મોરબી તાલુકા પોલીસ સ્ટેશન ખાતે મોબાઇલની ચીલ ઝડપની ભોગ બનેલા યુવાને ફરિયાદ નોંધાવી હતી જેના આધારે એલસીબીની ટીમે મળેલ હકીકત આધારે આરોપી કાનજીભાઇ ઉર્ફે કાનો રાજેશભાઇ ચાવડા (૨૧) રહે. પટેલ સોસાયટી સામે, રામકૃષ્ણનગર મોરબી વાળાની જુદીજુદી કંપનીના ૨૩ એન્ડ્રોઇડ મોબાઇલ ફોન સાથે ધરપકડ કરી હતી ત્યાર બાદ તેને મોબાઇલ ફોન વિષે પુછવામાં આવતા તેને પોતાના મિત્રો સાથે મળીને અલગ અલગ જગ્યાએથી જુદાજુદા સમયે ચીલઝડપ કે ચોરી કરીને મેળવ્યા હોવાની કબૂલાત આપેલ છે
વધુમાં પોલીસ પાસેથી મળતી માહિતી મુજબ આ આરોપીએ તેના મિત્રોની સાથે મળીને મોરબી તાલુકાના બેલા, રંગપર, ઘુટ રોડ, લખધીરપુર રોડ, જાંબુડીયા, સરતાનપર રોડ, માટેલ-ઢુવા રોડ પર આવેલ કારખાના વિસ્તારમાંથી મજુર પાસેથી ફોન કરવાનુ કહીને મોબાઈલ ફોનની ચિલઝડપ કરીને અથવા તો આચકી પડાવીને ભાગી જતાં હતા અને આ રીતે તેને આ મોબાઈલ ફોન મેળવેલ છે જે મોબાઇલ ફોન બાબતે વેરીફાઇ તપાસ કરતા મોરબી તાલુકાના જાંબુડીયા ગામ પાસેથી મજુર પાસેથી રીયલ મી કંપનીનો ઍક મોબાઇલ ફોન આચકીને ચિલઝડપ કરી મેળવેલ હોવાનું સામે આવ્યું છે અને તે બાબતે ગુન્હો નોંધાયો છે તેમાં હાલમાં આ આરોપીની પોલીસે આગળની કાર્યવાહી કરી છે અને આ શખ્સ પાસેથી પોલીસે ૨૩ મોબાઇલ ફોન જેની કિંમત ૧,૧૫,૦૦૦ તથા એક બાઇક જેની કિંમત ૧૫,૦૦૦ આમ કુલ મળીને ૧.૩૦ લાખનો મુદામાલ કબજે કરેલ છે
