હળવદ ચોકડીએથી ચોરાઉ બાઇક સાથે એક શખ્સ પકડાયો
SHARE
JOIN OUR GROUP
હળવદ ચોકડીએથી ચોરાઉ બાઇક સાથે એક શખ્સ પકડાયો
મોરબી જિલ્લા એસપી રાહુલ ત્રિપાઠીની સૂચના મુજબ જીલ્લામાં બનતા મિલ્કત સબંધી ગુના શોધી કાઢવા માટે અને ગુન્હેગારો પકડવા માટે એલસીબીના પીઆઇ ડી.એમ.ઢોલ અને તેની ટિમ કામ કરી રહી છે ત્યારે એલ.સી.બી. અને પેરોલ ફર્લો સ્કવોડના સ્ટાફના માણસો કાર્યરત હતા દરમ્યાન એલ.સી.બી.ની ટીમને ખાનગી રાહે હકિકત મળેલ હતી કે, ચોરી કે છળકપટથી મેળવેલ નંબર પ્લેટ વગરના સ્પ્લેન્ડર પ્લસ મોટર સાયકલ સાથે એક ઇસમ હળવદની મોરબી ચોકડી ખાતેથી નિકળનાર છે જેથી હળવદ મોરબી ચોકડી ખાતે વોચ ગોઠવેલ હતી ત્યારે રાજેશ નાગરભાઇ સાપરા કોળી (૨૫) રહે. મોડેલ સ્કુલ પાછળ, હળવદ વાળો નંબર પ્લેટ વગરના સ્પ્લેન્ડર પ્લસ મોરટ સાયકલ સાથે મળી આવતા તેને રોકી તેની પાસે બાઇકને લગતા કાગળો તથા આધાર પુરાવા માંગતા નહી હોવાનું જણાવ્યુ હતું જેથી તેની વધુ સઘન પુછપરછ કરી હતી અને પોકેટકોપ એપ્લીકેશનની મદદથી એન્જીન અને ચેસીસ નંબર ચેક કરતાં આ બાઇક હળવદ લક્ષ્મીનરાયણ ચોક પાસેથી ચોરી થયેલ હોવાનું સામે આવ્યું હતું જેથી પોલીસે હળવદની બાઇક ચોરીના ગુનામાં તેની ધરપકડ કરી હતી અને ૩૦,૦૦૦ ના બાઇક સાથે આરોપીને હાલમાં હળવદ પોલીસે સ્ટેશનને સોપવામાં આવેલ છે.
