મોરબીમાં માણસોની માહિતી પોલીસને ન આપતા સ્પાના સંચાલક સહિત વધુ આઠ સામે ફરિયાદ
SHARE
JOIN OUR GROUP
મોરબીમાં માણસોની માહિતી પોલીસને ન આપતા સ્પાના સંચાલક સહિત વધુ આઠ સામે ફરિયાદ
મોરબી જિલ્લામાં બહારના રાજ્યમાંથી કામ કરવા માટે આવેલા શ્રમિકોની મોરબી એસયોર્ડ એપ્લીકેશનમાં માહિતી અપલોડ કરવા માટે વારંવાર સૂચનો આપવામાં આવી છે તો પણ માહિતી આપવામાં આવતી નથી જેથી હવે કારખાનેદારો, કોન્ટ્રાક્ટરો, સ્પાના સંચાલકોની સામે ફરિયાદ નોંધીને આગળની કાર્યવાહી કરી રહી છે.
મોરબીના લીલાપર રોડ ઉપર ખડિયાવાસમાં રહેતા વિમલભાઈ નાજાભાઇ ઝાપડા જાતે ભરવાડ (૪૩)એ પોતાના માલિકી વાળી ઓરડિઓ પરપ્રાંતિય માણસોને ભાડે આપી હતી તેમ છતાં પોલીસને માહિતી આપી ન હતી, માળીયા હાઇવે ઉપર આવેલ વસુંધરા હોટલમાં કામ કરતા શ્રમિકોની માહિતી મોરબી એસયોર્ડ એપ્લિકેશનમાં અપલોડ આપી ન હતી અને આઈડી પ્રુફ લીધા ન હતા જેથી ભાર્ગવભાઈ માવજીભાઈ જોશી જાતે બ્રાહ્મણ (૨૧) રહે. હરિઓમ સોસાયટી રોડ મોરબી વાળા સામે ગુનો નોંધાયેલ છે, મોરબીમાં સર્કિટ હાઉસ પાસે આવેલ એન.આર. થાઇ સ્પાના સંચાલકે તેને ત્યાં કામ કરતા માણસોની માહિતી પોલીસને આપી ન હતી અને આઇડી પ્રૂફ મેળવેલા ન હતા જેથી સ્પાના ચાલક વિપુલભાઈ રામઆશ્રય પાંડે જાતે બ્રાહ્મણ (૨૬) રહે. યમુના નગર સોસાયટી શેરી નં-૩ નવલખી રોડ મોરબી વાળા સામે ગુનો નોંધાયેલ છે, મોરબી તાલુકાના વનાળીયા ગામ પાસે આવેલ રવિ મિલન સિમેન્ટ પાઇપમાં કોન્ટ્રાક્ટ રાખનાર મહેશભાઈ ડાયાભાઈ વાઘેલા (૪૫) અને પટેલ સિમેન્ટમાં કોન્ટ્રાક્ટ રાખનાર સોહનભાઈ કેજુભાઈ બારૈયા (૩૦) એ તેની નીચે કામ કરતા શ્રમિકોની માહિતી મોરબી એસયોર્ડ એપ્લિકેશનમાં અપલોડ કરી ન હતી જેથી તે બંને સામે ગુના નોંધાયેલ છે મોરબીના ગોકુલનગરમાં રહેતા પ્રાગજીભાઈ ડાયાભાઈ કાવર જાતે પટેલ (૬૨) ના ટંકારા ખીજડીયા રોડ ઉપર આવેલ એક્વા મલ્ટીપેક કારખાનામાં કામ કરતાં શ્રમિકોના આઈડી પ્રૂફ લીધા ન હતા અને મોરબી એસયોર્ડ એપ્લિકેશનમાં માહિતી અપલોડ કરી ન હોવાથી તેની સામે ગુનો નોંધાયેલ છે તેવી જ રીતે ટંકારા લતીપર રોડની બાજુમાં ભંગારના ડેલામાં કામ કરતાં શ્રમિકોના આઈડી પ્રૂફ લેવામાં આવ્યા ન હતા અને મોરબી એસયોર્ડ એપ્લિકેશનમાં માહિતી અપલોડ કરી ન હતી જેથી ભંગારના ડેલા વાળા રામલાલ માંગીલાલ ગુર્જર જાતે ભરવાડ (૨૮) રહે. હાલ ટંકારા ભંગારના ડેલા વાળાની સામે ગુનો નોંધાયો છે હળવદ જીઆઇડીસી વિસ્તારમાં કારખાનામાં કોન્ટ્રાક્ટ રાખનાર કાનજીભાઈ ભુપતભાઈ રાઠોડ (૩૭) ની નીચે કામ કરતા માણસોની માહિતી મોરબી એસયોર્ડ એપ્લિકેશનમાં અપલોડ કરી ન હોવાથી તેની સામે જાહેરનામા ભંગ નો ગુનો નોંધાયેલ છે.
