મોરબીમાં એડવોકેટને ઝાપટ મારી જાનથી મારી નાખવાની ધમકી આપતી મહિલાની ધરપકડ
SHARE
JOIN OUR GROUP
મોરબીમાં એડવોકેટને ઝાપટ મારી જાનથી મારી નાખવાની ધમકી આપતી મહિલાની ધરપકડ
મોરબીના મંગલ ભુવન ચોક પાસે આવેલ બોમ્બે મોબાઈલ નામની દુકાન પાસે એડવોકેટને “તું મારી ગામમાં શું ખોટી વાતો કરે છે” તેમ કહીને મહિલાએ માર માર્યો હતો અને જાનથી મારી નાખવાની ધમકી આપી હતી જેથી એડવોકેટ દ્વારા મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવી હતી જેના આધારે તપાસનીશ અધિકારી દ્વારા મહિલાની ધરપકડ કરીને આગળની કાર્યવાહી કરવામાં આવી હતી
મોરબીના શહેરના શનાળા રોડ ઉપર સત્યમ પાન વાળી શેરીમાં આવેલ અંજની એપાર્ટમેન્ટના ફ્લેટ નં-૫૦૪ માં રહેતા એડવોકેટ રજાકમીયા અબ્બાસમિયા બુખારી જાતે સૈયદ (૪૬) એ થોડા દિવસો પહેલા એ ડિવિઝન પોલીસ સ્ટેશન ખાતે રેશમાબેન ગીરીશભાઈ વિડજા સામે ફરિયાદ નોંધાવી હતી કે, મોરબીના મંગલ ભુવન ચોક પાસે આવેલ બોમ્બે મોબાઈલ નામની દુકાન પાસેથી તે ઊભા હતા ત્યારે મહિલાએ ત્યાં આવીને “તું મારી ગામમાં શું ખોટી વાતો કરે છે” તેવું કહીને બોલાચાલી કરી હતી અને ભૂંડા બોલી ગાળો આપીને ઝપાઝપી કરી હતી અને પીઠના ભાગે હાથના પંજા અને નખ વડે માર મારીને ઇજા કરી હતી તેમજ ઝાપટ મારી હતી અને જાનથી મારી નાખવાની ધમકી આપી છે જેથી એડવોકેટ દ્વારા મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવી હતી જેના આધારે પોલીસે હાલમાં મહિલા આરોપી રેશમાબેન ગીરીશભાઈ વિડજા (૩૩) રહે. ઉમા વિલેજ સોસાયટી મહેન્દ્રનગર મોરબી વાળીની ધરપકડ કરેલ છે
