મોરબી જિલ્લામાં ૧૬ અને ૧૯ માર્ચના રોજ કમોસમી વરસાદની સંભવિત આગાહી
Morbi Today
મોરબી જિલ્લામાં સર્વિસ પેન્શનરોએ ૧૦ એપ્રિલ સુધીમાં તિજોરી કચેરીમાં જરૂરી માહિતી રજૂ કરવી
SHARE
JOIN OUR GROUP
મોરબી જિલ્લામાં સર્વિસ પેન્શનરોએ ૧૦ એપ્રિલ સુધીમાં તિજોરી કચેરીમાં જરૂરી માહિતી રજૂ કરવી
મોરબી જિલ્લાના સર્વિસ પેન્શનરોએ સમય મર્યાદામાં માહિતી આપવાની રહેશે અને જો માહિતી નહીં આપવામાં આવે તો પેન્શનરોના માસિક પેન્શનમાંથી સરકારના નિયમોનુસાર આવકવેરા, ટી.ડી.એસ.ની કપાત કરાશે તેવું અધિકારી જણાવ્યુ છે
મોરબી જિલ્લા તિજોરી કચેરી તથા તાબાની પેટા તિજોરી કચેરીમાંથી IRLA સ્કિમ હેઠળ પેન્શન મેળવતા પેન્શનરોને જણાવવાનું કે, જે સર્વિસ પેન્શનરો (કુટુંબ પેન્શનર સિવાયના મૂળ પેન્શનર) ની નાણાકીય વર્ષ ૨૦૨૩-૨૪ માટેની પેન્શનની વાર્ષિક આવક ૭,૫૦,૦૦૦ થી વધું થતી હોય તેવા પેન્શનરોએ અંદાજિત રોકાણની વિગત, બાંહેધરી નિયત ફોર્મ ૧૨-બી, પાન કાર્ડ, પી.પી.ઓ નંબર વગેરે વિગતો જિલ્લા તિજોરી કચેરી-મોરબી ખાતે ૧૦-૪ સુધીમાં રૂબરૂ/ટપાલ અથવા ઇ-મેઇલ આઇ.ડી. treasury-mor@gujarat.gov.in પર મોકલાવવાની રહેશે અને નિયત સમયમાં માહિતી નહીં મોકલાવેલ હોય તેવા વાર્ષિક ૭,૫૦,૦૦૦/- થી વધુ પેન્શન મેળવતા સર્વિસ પેન્શનરોના માસિક પેન્શનમાંથી સરકારના નિયમોનુસાર આવકવેરા, ટી.ડી.એસ.ની કપાત કરવામાં આવશે. જેઓનું વાર્ષિક પેન્શન ૭,૫૦,૦૦૦ થી વધુ થતુ હોય તેઓ એ જ ઉપરોક્ત દસ્તાવેજ જમાં કરાવવાના રહેશે જેની ખાસ નોંધ લેવી અને પેન્શનની વિગત તેમજ આવક્ના પ્રમાણપત્ર https://cybertreasury.gujarat.gov.in પરથી મેળવી શકાશે. જેના માટે લોગીન આઇડી આપનો બેંક એકાઉન્ટ નંબર તેમજ પાસવર્ડ આપનો પી.પી.ઓ. નંબર રહેશે તેવું મોરબી જિલ્લા તિજોરી અધિકારીની યાદીમાં જણાવાયું છે.
