મોરબીની પાવડિયારી કેનાલ પાસે બે બાઇક ચોરીના ગુનામાં આરોપીની ધરપકડ
SHARE
JOIN OUR GROUP
મોરબીની પાવડિયારી કેનાલ પાસે બે બાઇક ચોરીના ગુનામાં આરોપીની ધરપકડ
મોરબીની પાવડિયારી કેનાલ પાસે આવેલ શાકમાર્કેટ નજીક પાર્ક કરેલા વાહનોમાંથી સમયાંતરે બે બાઈકની ચોરી કરવામાં આવી હતી જેથી કરીને ભોગ બનેલા બે યુવાનો દ્વારા બાઇક ચોરીની બે ફરિયાદ હાલમાં નોંધાવવામાં આવેલ છે જેથી કુલ મળીને ૫૦,૦૦૦ રૂપિયાની કિંમતના બે બાઈકની ચોરીના ગુના નોંધીને પોલીસે અગાઉ ચોરાઉ બાઇક સાથે પકડાયેલા શખ્સની આ ચોરીના ગુનામાં ધરપકડ કરીને આગળની રાબેતા મુજબની કાર્યવાહી હાથ ધરી છે
બનાવની જાણવા મળતી વિગત પ્રમાણે મોરબીના જેતપર રોડ ઉપર આવેલ પાવડિયારી ગામ પાસે મારુતિ પાર્ક સોસાયટીમાં રહેતા પ્રદીપભાઈ પ્રભુદાસભાઈ આસરા જાતે ખત્રી (૨૩)એ મોરબી તાલુકા પોલીસ સ્ટેશન ખાતે બાઇક ચોરીની ફરિયાદ નોંધાવી છે જેમાં તેને જણાવ્યુ છે કે, મોરબીના જેતપર રોડે પાવડીયારી કેનાલ પાસે શાક માર્કેટે તેઓ પોતાનું બાઈક નંબર જીજે ૩ સીએચ ૦૨૭૩ લઈને ગયા હતા જે ૨૫,૦૦૦ રૂપિયાની કિંમતના બાઇકની ચોરી કરવામાં આવેલ છે આવી જ રીતે મોરબી તાલુકાના શાપર ગામે રહેતા ક્રિપાલભાઈ મનુભાઈ અઘારા જાતે કોળી (૨૮)એ મોરબી તાલુકા પોલીસ સ્ટેશન ખાતે બાઈક ચોરીની ફરિયાદ નોંધાવી હતી જેમાં તેને જણાવ્યું હતું કે મોરબીના જેતપર વડે પાવડીયારી કેનાલ પાસે શાક માર્કેટ નજીક તેઓએ પોતાનું બાઈક નંબર જીજે ૩ ઇએફ ૧૯૦૩ પાર્ક કરીને મૂક્યું હતું જે બાઈકની ચોરી કરવામાં આવેલ છે જેથી કરીને ૨૫,૦૦૦ રૂપિયાની કિંમતના બાઈકની ચોરી થઈ હોવાની તેણે ફરિયાદ નોંધાવેલ છે આ બંને ચોરીના ગુનામાં અગાઉ ચોરાઉ બાઇક સાથે પકડાયેલા આરોપી જયંતીભાઈ પ્રભુભાઈ બાડા જાતે કોળી (૨૭) રહે. ભીમાસર તાલુકો રાપર જિલ્લો કચ્છ વાળાની ધરપકડ કરેલ છે અત્રે ઉલેખનીય છે કે, પહેલા ચોરને પકડાયા પછી હાલમાં બાઇક ચોરીની ફરિયાદો લેવામાં આવી રહી છે
