મોરબીના એસપી રોડે પાણીના ધાંધિયાથી ત્રાહિમામ મહિલાઓએ પંચાયત ઓફિસે બઘડાટી બોલાવી

મોરબીના એસપી રોડ ઉપર આવેલ એપાર્ટમેંટમાં પાણીના ધાંધીયા હોવાથી ફ્લેટના માલિકો રવાપર ગ્રામ પંચાયતે પહોચ્યા હતા અને અનેક રજુઆત પછી પણ પાણીનો પ્રશ્ન ઉકેલાયેલ નથી જેથી કરીને પાણી આપો પાણી આપો તેમજ દુર્લભજીભાઈ હાય હાયના સૂત્રોચ્ચાર મહિલાઓ દ્વારા કરવામાં આવ્યા હતા અને પાણીનો પ્રશ્ન ઉકેલાશે નહીં તો ઉગ્ર આંદોલન કરવાની ચીમકી ઉચ્ચારી છે

મોરબીના એસપી રોડ ઉપર મશાલની વાડી પાસે વી-૮ રેસીડેન્સી નામના વિસ્તારમાં આઇશ્રી હાઈટ્સ, વૃંદાવન અને શિવોહમ રેસિડેન્સીમાં છેલ્લા એક વર્ષથી પીવા અને વાપરવા માટે પાણીના ધાંધીયા છે જેથી કરીને ગ્રામ પંચાયતમાં રજૂઆત કરવામાં આવે છે તો પણ પાણી પૂરતા પ્રમાણમા અને સમયસર મળતું નથી જેથી મહિલાઓ પંચાયત ઓફિસે પહોચી હતી અને જણાવ્યું હતું કે, ત્યાં રહેતા લોકોએ ૬૦ લાખ આપીને મકાન લીધેલ છે જો કે, પાણી મળતું નથી જેથી કરીને ત્યાં રહેતા ૧૨૫ જેટલા પરિવારોને હેરાન થવુ પડે છે અત્રે ઉલેખનીય છે કે, રેસિડેન્સીમાં પાણીના નળ કનેક્શન મેળવ્યા નથી જેથી ના છૂટકે લોકોને બોરના પાણીનો ઉપયોગ કરવો પડે છે અને બોરના ખારા પાણીના લીધે ચામડીના રોગ વધે તેવી શક્યતા છે જેથી કરીને  મહિલાઓ ગ્રામ પંચાયતે આવી હતી અને ત્યારે પાણી આપો, પાણી આપો અને દુર્લભજીભાઈ હાય હાયના સૂત્રોચ્ચાર કર્યા હતા જો આગામી દિવસોમાં પાણીનો પ્રશ્ન ઉકેલાશે નહીં તો ઉગ્ર આંદોલન કરવાની ચીમકી ઉચ્ચારી છે