હળવદના ઈશ્વરનગર ગામે જુગારની રેડ: 15,900 ની રોકડ સાથે 6 પકડાયા

હળવદ તાલુકાના ઈશ્વરનગર ગામે જુગારની રેડ કરવામાં આવી હતી ત્યારે સ્થળ ઉપરથી જુગાર રમતા છ શખ્સો મળી આવ્યા હતા જેથી કરીને પોલીસે તેની પાસેથી 15,900 ની રોકડ કબજે કરી હતી અને તેની સામે હળવદ તાલુકો પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે

જાણવા મળતી માહિતી પ્રમાણે હળવદ તાલુકા પોલીસની ટીમ પેટ્રોલિંગ માહિતી ત્યારે હળવદ તાલુકાના ઈશ્વરનગર ગામે તળાવની પાળ ઉપર જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા ધર્મેન્દ્રભાઈ મોહનભાઈ ઝાલરીયા (48), જગદીશભાઈ માવજીભાઈ ચડાસણીયા (50), લાલજીભાઈ પ્રેમજીભાઈ પટેલ (54), પરસોતમભાઈ મગનભાઈ વીડજા (40), કાંતિલાલ કેશવજીભાઈ કાલરીયા (45) અને વિનોદભાઈ કરસનભાઈ રૂપાલા (55) રહે બધા ઈશ્વરનગર વાળા જુગાર રમતા મળી આવ્યા હતા જેથી કરીને પોલીસે તેની પાસેથી 15,900 ની રોકડ કબજે કરી હતી અને હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

વરલી જુગાર

માળીયા મીયાણા તાલુકાના વવાણીયા ગામે ચોકમાં વરલી જુગારના આંકડા લેતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી દોષમહમદભાઈ મામદભાઈ કટિયા (50) રહે જુના વાડા વિસ્તાર રેલવે સ્ટેશન પાસે માળિયા મીયાણા વાળાની ધરપકડ કરી હતી અને તેની પાસેથી 440 ની રોકડ કબજે કરી માળિયા તાલુકા પોલીસ સ્ટેશન ખાતે ગુનો નોંધવામાં આવેલ છે