વાંકાનેરમાં ખોવાયેલ મોબાઈલ શોધી કાઢી મૂળ માલીકને પરત કરતી પોલીસ

 

વાંકાનેર સીટી પોલીસ દ્વારા તેરા તુજકો અર્પણ કાર્યક્રમ અંતર્ગત સીઈઆઈઆરના ઉપયોગથી વાંકાનેર સીટી પોલીસ સ્ટેશન વિસ્તારમાંથી રૂા.16500ની કીંમતનો ખોવાયેલ મોબાઈલ શોધી કાઢી અરજદારને પરત આપી પોલીસે પ્રજાની મિત્રનું સુત્ર સાર્થક કયુર્ં હતું.

 મોરબી જીલ્લા પોલીસ અધિક્ષક રાહુલ ત્રિપાઠીએ પ્રજા કલ્યાણ તથા પ્રજા ઉપયોગી કાર્યવાહી કરવા સુચના આપેલ હોય તેમજ નાયબ પોલીસ અધિક્ષક એસ.એચ. સારડા વાંકાનેર વિભાગના માર્ગદર્શન હેઠળ પો.ઈન્સ. એચ.વી. ઘેલા તથા પોલીસ કર્મચારીઓએ સીઈઆઈઆર એપ્લીકેશનનો ઉપયોગ કરી આમ જનતાના ખોવાયેલ મોબાઈલની જરૂરી વિગત મેળવી એપ્લીકેશનમાં અપડેટ કરી અને આ એપ્લીકેનનું રોજે રોજ અપટેટ મેળવી વાંકાનેર સીટી પોલીસ સ્ટેશનમાંથી લોકોના ખોવાયેલ 1 મોબાઈલ કી. રૂા.16500ને શોધી કાઢી અરજદારને પરત સોંપી તેરા તુજકો અર્પણ તથા પોલીસ પ્રજાના મિત્રનું સુત્ર વાંકાનેર સીટી પોલીસે સાર્થક કરેલ છે.
 આ કામગીરી પો.ઈન્સ. એચ.વી. ઘેલા, એએસઆઈ વાલજીભાઈ રામજીભાઈ પરમાર તથા પોલીસ કોન્સ. જગદીશભાઈ ચીકાભાઈ ગાબુ તથા વુમન પોલીસ કોન્સ. સંગીતાબેન એ. બગોદરીયા દ્વારા કરવામાં આવી હતી