મોરબીના નાની વાવડી ગામ પાસે ગણેશ વિસર્જન માટે ગયેલા યુવાને પાણીમાં ડૂબી રહેલા બાળકને બચાવીને જીવતદાન આપ્યું

મોરબી નજીકના નાની વાવડી ગામ પાસે ગણપતિના વિસર્જન માટે જે લોકો ગયા હતા તેમને ખબર પડી હતી કે ત્યાં નાની વાવડી ગામ પાસે આવેલ તળાવમાં એક બાળક ડૂબી રહ્યો છે જેથી કરીને તે બાળકને ગણેશ વિસર્જન માટે ગયેલા યુવાનોમાંથી એક યુવાને સલામત રીતે બચાવીને બહાર કાઢી લીધો હતો

જાણવા મળતી માહિતી મુજબ આજે ગણેશ વિસર્જન માટે તેને જુદી જુદી જગ્યા ઉપર લોકો જતા હોય છે અને અગાઉ ગણેશ વિસર્જન દરમિયાન ઘણી જગ્યાએ દુર્ઘટના બનતી હોય તેવું પણ સાંભળવા મળ્યું છે ત્યારે આ વખતે મોરબીમાં સલામત રીતે ગણેશ વિસર્જન થાય તે માટેની તમામ વ્યવસ્થાઓ નગરપાલિકા દ્વારા કરવામાં આવી હતી દરમિયાન મોરબીના નાનીવાવડી ગામ પાસે આવેલ તળાવમાં ગણેશ વિસર્જન માટે થઈને કેટલાક યુવાનો ગયા હતા ત્યારે ત્યાં ગણેશ વિસર્જન કરવા માટે ગયેલા યુવાનોને જાણવા મળ્યું હતું કે, કોઈ બાળક ત્યાં તળાવમાં ડૂબી રહ્યો છે જેથી કરીને તે બાળકને સલામત રીતે પાણીમાંથી બચાવીને યુવાને બહાર કાઢી લીધો હતો. આમ બાળકને જીવનદાન મળ્યું હતું.