ટંકારામાં આર્યસમાજ દ્વારા આજથી શતાબ્દી મહોત્સવનો પ્રારંભ: યજ્ઞ-શોભાયાત્રા સહિતના કાર્યક્રમો યોજાયા મોરબીના મહેન્દ્રનગર પાસે પેસેન્જર રીક્ષાને અકસ્માત નડયો, એક વ્યક્તિનું રાજકોટ ખાતે મોત મોરબીના સાહિલ માજોઠીનું યુદ્ધ કેદીઓને ટ્રાન્સફર લિસ્ટમાં હાલ યુક્રેને રશિયાને નામ ન આપ્યું: સાહિલને ભારત હેમખેમ આવવા સામે પ્રશ્નાર્થ મોરબીની ઓમ શાંતિ વિદ્યાલયનો વિદ્યાર્થી કંઝારીયા જયદીપ રંગોત્સવમાં સમગ્ર ભારતમાં પ્રથમ મોરબી નજીક કારખાનાના બાથરૂમમાં અજાણ્યું ઇન્જેક્શન મારીને યુવાને કર્યો આપઘાત મોરબીમાં પરિણીતાને દુ:ખ ત્રાસ આપીને મારકૂટ કરતાં પતિ સહિત ત્રણ સામે ફરિયાદ હળવદ ભાજપ દ્વારા પંડિત દીનદયાળ ઉપાધ્યાયજીની પુણ્યતિથિ નિમિત્તે શ્રદ્ધાંજલિનો કાર્યક્રમ યોજાયો મોરબીમાં ત્રાજપર ચોકડીએ રીક્ષા પલ્ટી જતાં ઇજા પામેલ યુવાન સારવારમાં: મિલન પાર્કમાંથી બાઈકની ચોરી

Breaking news

Morbi Today

મોરબીના શક્તિ ચેમ્બર પાસે રોડ ક્રોસ કરી રહેલ યુવાનને અજાણ્યા બાઇક ચાલકે હડફેટે લેતા સારવાર દરમિયાન યુવાનનું મોત

20-09-2024 02:44 PM

મોરબીના શક્તિ ચેમ્બર પાસે રોડ ક્રોસ કરી રહેલ યુવાનને અજાણ્યા બાઇક ચાલકે હડફેટે લેતા સારવાર દરમિયાન યુવાનનું મોત

મોરબી-વાંકાનેર હાઇવે ઉપર આવેલા શક્તિ ચેમ્બર પાસે વાહન અકસ્માતનો બનાવ બન્યો હતો.જેમાં ઈજા પામેલ યુવાનને મોરબીની સિવિલ હોસ્પિટલે ત્યાંથી મોરબીની ખાનગી હોસ્પિટલે અને બાદમાં વધુ સારવાર માટે રાજકોટ સિવિલે લઈ જવામાં આવ્યો હતો.જોકે રાજકોટ સિવિલ હોસ્પિટલે સારવાર દરમિયાન યુવાનનું મોત નિપજયુ હોવાનું પોલીસ સૂત્રો પાસેથી જાણવા મળેલ છે.

ઉપરોક્ત અકસ્માત બનાવ સંદર્ભે મોરબી સીટી બી ડિવિઝન પોલીસ સ્ટેશનના વાલભા ચાવડા પાસેથી મળતી માહિતી પ્રમાણે મોરબીના સામાકાંઠે જુના રફાળેશ્વર રોડ ઉપર આવેલ શક્તિ સોસાયટીમાં રહેતા સવજીભાઈ અવચરભાઈ ઉપસરીયા નામનો ૪૦ વર્ષનો યુવાન મોરબી વાંકાનેર હાઇવે ઉપર આવેલ શક્તિ ચેમ્બરની સામેના ભાગેથી ગત તા.૧૯-૯ ના સવારે દસેક વાગ્યાના અરસામાં રોડ ક્રોસ કરતો હતો.ત્યારે કોઈ અજાણ્યા બાઈક ચાલકે તેને હડફેટે લીધો હતો.જેથી કરીને માથા અને શરીરના ભાગે ગંભીર ઇજાગ્રસ્ત હાલતમાં તેઓને અત્રેની સિવિલ હોસ્પિટલે સારવાર માટે લાવવામાં આવ્યા હતા અને બાદમાં અત્રેની ખાનગી આયુષ હોસ્પિટલમાં લઈ જવામાં આવ્યા હતા અને ત્યાંથી વધુ સારવાર માટે રાજકોટની સિવિલ હોસ્પિટલમાં ખસેડાયા હતા.જ્યાં બેભાન હાલતમાં સારવાર દરમિયાન તા.૨૦-૯ ના રોજ વહેલી સવારે છએક વાગ્યાના અરસામાં સવજીભાઈ અવસરભાઈ ઉપસરિયા (ઉમર ૪૦) રહે.શક્તિ સોસાયટી જુના રફાળેશ્વર રોડ તા.જી.મોરબી નું મોત નિપજયુ હતું.હાલ હોસ્પિટલ ખાતેથી યાદી આવતાં બી ડિવિઝન પોલીસ મથકના વાલભા ચાવડા આ બાબતે આગળની તપાસ ચલાવી રહ્યા છે.અકસ્માત સર્જીને ભાગી છુટેલા વાહન ચાલકને પકડવા પોલીસ દ્વારા તપાસ શરૂ કરાયેલ છે.

વાહન અકસ્માતમાં બે વૃદ્ધાઓ ઇજાગ્રસ્ત થતા સારવારમાં

મોરબીના સામાકાંઠે આવેલ કુબેર ટોકીઝ પાછળની હેમલ સોસાયટીમાં રહેતા સમુબેન બચુભાઈ પાટડીયા નામના ૭૮ વર્ષના વૃદ્ધા બાઈકના પાછળના ભાગે બેસીને મોરબી સીટી વિસ્તાર બાજુ જતા હતા ત્યારે રસ્તામાં તેમના બાઇકને કોઈ અજાણ્યા વાહનના ચાલકે હડફેટે લેતા અકસ્માત બનવ બન્યો હતો જેમાં ઇજાઓ થતા સમુબેન પાટડીયાને સારવાર માટે ખસેડાયા હતા અને બનાવને પગલે બી ડિવિઝન પોલીસ મથકના હિતેષભાઇ મકવાણા દ્વારા નોંધ કરીને તપાસ કરવામાં આવી હતી.જ્યારે સુરેન્દ્રનગરના રણમલપુર ગામે રહેતા લાભુબેન પ્રેમજીભાઈ વામજા નામના ૬૮ વર્ષના વૃદ્ધા બાઈક પાછળ બેસીને જતા હતા ત્યારે રમલપુર ગામે બાઈકની આડે અચાનક ગાય આડી ઉતરતા બાઈક સ્લીપ થઈ ગયું હતું. જે બનાવમાં ઇજા પામતા લાભુબેનને અત્રેની શિવમ હોસ્પિટલે સારવાર માટે લાવવામાં આવ્યા હતા.