હળવદમાંથી દેશી હાથ બનાવટની પિસ્તોલ સાથે એક શખ્સ પકડાયો
SHARE
હળવદમાંથી દેશી હાથ બનાવટની પિસ્તોલ સાથે એક શખ્સ પકડાયો
હળવદની મોરબી ચોકડી પાસે નવા બનતા શોપિંગ સેન્ટર પાસેથી પસાર થયેલા શખ્સને રોકીને એસઓજીની ટીમ દ્વારા ચેક કરવામાં આવતા તેની પાસેથી દેશી બનાવટની એક પિસ્તોલ મળી આવી હતી જેથી કરીને પોલીસે 5000 રૂપિયાની કિંમતનું હથિયાર કબજે કર્યું હતું અને હળવદ તાલુકા પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે
મોરબી જિલ્લા એસઓજીની ટીમ પેટ્રોલિંગમાં હતી ત્યારે હળવદની મોરબી ચોકડી પાસે નવા બની રહેલા શોપિંગ સેન્ટરની બાજુમાંથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવતા તેની પાસે તે દેશી બનાવટની એક પિસ્તોલ મળી આવી હતી જેથી પોલીસે રીન્કુ હરિસિંઘ બધેલ રહે. હાલ રુદ્ર સોસાયટી સરા રોડ હળવદ મૂળ રહે મધ્યપ્રદેશ વાળાને ઝડપી લીધો હતો અને તેની પાસેથી 5,000 ની કિંમતની દેશી બનાવટની પિસ્તોલ કબજે કરવામાં આવી હતી અને હળવદ તાલુકા પોલીસ સ્ટેશન ખાતે આર્મ્સ એક્ટની કલમ હેઠળ ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે આ શખ્સ પાસેથી મળી આવેલ પિસ્તોલ તે ક્યાંથી લાવ્યો હતો અને શા માટે પોતાની પાસે પિસ્તોલ રાખી હતી તે દિશામાં પોલીસે તપાસ થયેલ છે