મોરબીમાં કુબેર ટોકીઝ પાસે વાહનને બ્રેક કરતાની સાથે ધડાધડ ચાર વાહનો એકબીજા સાથે અથડાયા, કોઈ જાનહાની નહીં મોરબીના શક્તિ ચોક પાસે મંદિરના પટાંગણમાંથી માંસના અવશેષો મળી આવતા હિન્દુ સંગઠનો-સમાજમાં રોષની લાગણી મોરબીના બેલા (આમરણ) ગામે આધેડ દંપતી સારવારમાં મોરબીની સજનપર શાળામાં દાતાએ ૪૫ બાકડા મુકાવ્યા મોરબી નજીક બાઇક સહિત પિતા-પૂત્રને કચડી નાખનારા ડમ્પર ચાલક સામે ગુનો નોંધાયો બે દિવસમાં ટ્રાફિક શાખાનું તાંડવ: મોરબીમાં નંબર પ્લેટ વગર દોડતા-ટ્રાફિકના નિયમનો ભંગ કરતાં ડમ્પર સહિત કુલ 41 વાહનો ડિટેન ટંકારાના જબલપુર ગામે જુગાર રમતા 6 શખ્સ 24,500ની રોકડ સાથે પકડાયા મોરબીના પીપળી રોડ પર આવેલા વેરહાઉસમાંથી 4 તરુણ શ્રમયોગીઓને તંત્રએ મુક્ત કરાવ્યા
Breaking news
Morbi Today

મોરબી જિલ્લામાં દિવ્યાંગ લગ્ન સહાય યોજનાનો લાભાર્થીઓ લાભ મેળવી શકશે


SHARE







































મોરબી જિલ્લામાં દિવ્યાંગ લગ્ન સહાય યોજનાનો લાભાર્થીઓ લાભ મેળવી શકશે

રાજ્ય સરકારના દ્વારા દિવ્યાંગ નાગરિકોના કલ્યાણ માટે અનેકવિધ યોજનાઓ અમલમાં મુકવામાં આવી છે. જિલ્લા માહિતી કચેરી મોરબી દ્વારા રાજ્ય સરકારની વિવિધ યોજનાઓનો મહત્તમ પ્રચાર પ્રસાર થાય તેવા પ્રયત્નો કરવામાં આવી રહ્યા છે. રાજ્યના ૨ દિવ્યાંગ નાગરિકો લગ્ન કરે તો કુલ મળીને ૧,૦૦,૦૦૦ ની સહાય મંજૂર કરવામાં આવે છે. તેમજ દિવ્યાંગ નાગરિકની સાથે જો સામાન્ય વ્યક્તિ લગ્ન કરે તો તેમને ૫૦,૦૦૦ ચૂકવવામાં આવે છે. આ યોજનાનો લાભ આજીવન એકવાર જ આપવામાં આવે છે. અને લગ્ન કર્યાની તારીખથી ૨ વર્ષની અંદર ઉક્ત યોજનાનો લાભ મળવાપાત્ર બને છે.

આ યોજના હેઠળ અરજી કરવાની શું પ્રક્રિયા છે ?? તેની માહિતી આપતા અધિકારી જણાવ્યુ હતું કે, લગ્ન કરનાર કન્યાની ઉંમર ૧૮ વર્ષથી વધુ અને કુમારની ઉંમર ૨૧ વર્ષથી વધુ હોવી જોઈએ, અરજદાર જે જિલ્લાનો હોય તે જિલ્લામાં જ અરજી કરવી અને esamajkalyan.gujarat.gov.in પર અરજી કરવાની રહેશે. તેમજ અરજી પત્રક સાથે લગ્ન નોંધણી પ્રમાણપત્ર, ૪૦% કે તેથી વધુ દિવ્યાંગતા ધરાવતા હોય તેવું ડૉક્ટરનું સર્ટીફિકેટ, આધાર કાર્ડ અને ચૂંટણી કાર્ડની નકલ, જન્મ તારીખનો દાખલો અથવા શાળા છોડયાનું પ્રમાણપત્ર, ૨ નંગ પાસપોર્ટ સાઈઝના ફોટોઝ, લગ્ન કરેલા યુગલનો સંયુક્ત ફોટો (પોસ્ટકાર્ડ સાઈઝ), દિવ્યાંગ એસ.ટી.બસ પાસની નકલ, રેશન કાર્ડની નકલ, બેંક ખાતાની પ્રથમ પાનાની નકલ અથવા તો રદ્દ કરાયેલો ચેક પુરાવા તરીકે આપવાના રહેશે. આ યોજના અંગે વધુ માહિતી મેળવવા માટે તમારી નજીકના જન સેવા કેન્દ્ર, જિલ્લા કલેકટર કચેરી, તાલુકા પંચાયત, જિલ્લા પંચાયતનો સંપર્ક સાધી શકાશે. તેમજ બાળ લગ્ન પ્રતિબંધક અધિકારી સહ જિલ્લા સમાજ સુરક્ષા અધિકારીની કચેરી, નવા જિલ્લા સેવા સદન, ભોંયતળિયે, રૂમ નંબર ૫, સો- ઓરડી વિસ્તાર, શોભેશ્વર રોડ- મોરબી ખાતે રૂબરૂ સંપર્ક સાધી શકાય છે.
















Latest News