મોરબીના પંચાસર ગામ પાસે ખાણ ખનીજ વિભાગની રેડ, ત્રણ ડમ્પર-એક એક્સકેવેટર મશીન સહિત લાખોનો મુદામાલ સીઝ
SHARE
JOIN OUR GROUP
મોરબીના પંચાસર ગામ પાસે ખાણ ખનીજ વિભાગની રેડ, ત્રણ ડમ્પર-એક એક્સકેવેટર મશીન સહિત લાખોનો મુદામાલ સીઝ
મોરબી જિલ્લાના જુદાજુદા વિસ્તારમાં ગેરકાયદે ખનીજ ચોરી કરવામાં આવે છે તેમાં શંકાને કોઈ સ્થાન નથી તેવામાં મોરબી જિલ્લા ભુસ્તરશાસ્ત્રીની દ્વારા મોરબી તાલુકાનાં પંચાસર ગામ નજીક મયુર ડેરીની સામેના ભાગમાં રેડ કરવામાં આવી હતી ત્યારે ત્યાં પંચાસર રોડ નજીક માટીનું ગેરકાયદેસર ખનન કરવામાં આવતું હતી જેથી કરીને લાખો રૂપિયાની કિંમતના ચાર વાહનો કબજે કરીને દંડ વસૂલ કરવા માટેની કવાયત કરવામાં આવી છે.
મોરબી જીલ્લામાં વિપુલ પ્રમાણમા ખનીજ છે જો કે, તેનું રક્ષણ કરવા માટે પૂરતા પ્રમાણમા સ્ટાફ નથી જેથી કરીને જિલ્લાના જુદાજુદા વિસ્તારોમાં ખનીજ માફિયાઓ દ્વારા બેફામ રીતે ખનીજ ચોરી કરવામાં આવે છે ત્યારે ખનીજ વિભાગ માંડ પાસેરામાં પૂણી જેટલું સમાન પકડે છે અને દંડ વસૂલ કરે છે તેવું કહીએ તો તેમાં જરાપણ અતિશયોક્તિ નથી. ગઇકાલે મોરબી તાલુકાનાં પંચાસર ગામ નજીક મયુર ડેરીની સામેના ભાગમાં રેડ કરવામાં આવી હતી ત્યારે ત્યાં માટીનું ગેરકાયદેસર ખનન કરવામાં આવતું હોવાનું સામે આવ્યું હતું.
જેથી કરીને સાદી માટી ખનીજનાં ગેરકાયદેસર ખોદકામ માટે ઉપરાયોગમાં લેવામાં આવેલ એક હ્યુન્ડાઇ એક્સકેવેટર મશીન મોડેલ R-210-7 સીરીયલ નંબર N601D04374 જેના માલીક તથા ખોદકામ કરાવનાર ધવલભાઈ વલ્લભભાઈ કાનાણી રહે. પંચાસર તાલુકો મોરબી, તેમજ માટીના પરિવહન માટે ઉપયોગમાં લેવા ત્યાં રાખવામા આવેલ ત્રણ ડમ્પર જેમાં જીજે 36 વી 1816, જીજે 36 વી 1319 અને જીજે 36 એક્સ 7216 ને સ્થળે ઉપરથી સીઝ કરવામાં આવેલ છે અને આ તમામ મુદામાલ હાલમાં મોરબી તાલુકા પોલીસ સ્ટેશન ખાતે મૂકવામાં આવેલ છે અને દંડ વસૂલ કરવા માટેની કાર્યવાહી કરવામાં આવેલ છે.
