હળવદ નજીક વાડી પાસે રેલ્વે ટ્રેક ઉપર ટ્રેન હેઠળ કપાઈ જવાથી યુવાનનું મોત

હળવદ નજીક આવેલ વાડીએ રહેતો અને મજૂરીકામ કરતો યુવાનો કોઇ કારણોસર રેલવે ટ્રેક ઉપર ટ્રેન હેઠળ કપાઈ ગયો હતો જેથી તેનું મોત નીપજયું હતું અને ત્યારબાદ તેના મૃતદેહને હળવદની સરકારી હોસ્પિટલે લઈને આવ્યા હતા અને આ બનાવની હોસ્પિટલ મારફતે હળવદ તાલુકા પોલીસને જાણ કરતાં પોલીસે બનાવની નોંધ કરી આગળની કાર્યવાહી હાથ ધરી છે

જાણવા મળતી વિગત પ્રમાણે મૂળ છોટાઉદેપુર જિલ્લાના રહેવાસી અને હાલમાં હળવદમાં મેરાભાઈ ભરવાડની વાડીએ રહેતા અને મજૂરી કામ કરતા દિનેશભાઈ રણછોડભાઈ નાયક (36) નામનો યુવાન વાડી પાસે રેલ્વે ટ્રેક ઉપર ટ્રેન હેઠળ કોઈ કારણોસર કપાઈ જતા તેનું મોત નીપજ્યું હતું ત્યારબાદ તે યુવાનના મૃતદેહને પીએમ માટે હળવદની સરકારી હોસ્પિટલો ખાતે લઈને આવ્યા હતા અને અકસ્માત મૃત્યુના બનાવની હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે

બાળકી સારવારમાં

મોરબીના શોભેસ્વર રોડ ઉપર રહેતા રાજુભાઈ પરમારની 13 વર્ષની દીકરી ક્રિષ્નાને ત્રાજપર ચોકડી પાસે પગપાળા જતી હતી ત્યારે કોઈ અજાણ્યા બાઈક વાળાએ હડફેટ લેતા ઇજા થઈ હતી જેથી સારવાર માટે મોરબીની આયુષ હોસ્પિટલમાં લઈને આવ્યા હતા ત્યાં તેને સારવાર આપીને આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી કરી છે