મોરબીની વાવડી ચોકડી બાઈકના વ્હીલમાં સાડીનો છેડો ફસાઈ જતાં અકસ્માત: દંપતી અને તેના બે દીકરાને ઇજા
Morbi Today
મોરબીમાં વૃદ્ધની 50 લાખની કિંમતની જમીન ઉપર દબાણ કરીને ખેતી કરનારા બંને આરોપીની ધરપકડ
SHARE
JOIN OUR GROUP
મોરબીમાં વૃદ્ધની 50 લાખની કિંમતની જમીન ઉપર દબાણ કરીને ખેતી કરનારા બંને આરોપીની ધરપકડ
મોરબીના બરવાળા ગામની સીમમાં આવેલ વૃદ્ધની 50 લાખની કિંમતની જમીન ઉપર ગેરકાયદેસર દબાણ કરવામાં આવ્યું હતું અને ત્યાં વાવેતર કરી ખેતી કરી જમીન ખાલી કરવા માટે ફરિયાદી પાસેથી પૈસાની માંગણી કરવામાં આવી રહી હતી જેથી વૃદ્ધ દ્વારા બે શખ્સોની સામે મોરબી તાલુકા પોલીસ સ્ટેશન ખાતે લેન્ડ ગ્રેબિંગની ફરિયાદ નોંધાવવામાં આવી હતી જે ગુનામાં પોલીસે બંને આરોપીની ધરપકડ કરીને આગળની કાર્યવાહી કરેલ છે.
મૂળ આમરણના રહેવાસી અને હાલમાં મોરબીના રવાપર પાસે આવેલ સરદાર-2 માં આવેલા મારુતિ દર્શન એપાર્ટમેન્ટના બ્લોક નં- 601 માં રહેતા મગનભાઈ થોભણભાઈ ભાલોડીયા (60) એ મોરબી તાલુકા પોલીસ સ્ટેશન ખાતે રણછોડભાઈ ઉર્ફે લાલો જીવણભાઈ ખાંભલા અને રતાભાઇ દેવાભાઈ ખાંભલા રહે. બંને બરવાળા વાળાની સામે ફરિયાદ નોંધાવેલ હતી કે, બરવાળા ગામના સર્વે નંબર 85 પૈકી 1 ની હેક્ટર 00-92-07 ચોરસ મીટર જમીન તેઓની માલિકીની છે અને તેની જંત્રી મુજબની કિંમત 2.90 લાખ થાય છે જોકે હાલની બજાર કિંમત આશરે 50 લાખ રૂપિયા થાય છે. તે ખેતીની જમીન ઉપર રતાભાઇ ખાંભલાએ રણછોડભાઈ ખાંભલાના કહેવાથી કોઈપણ જાતના આધાર પુરાવા વગર ગેરકાયદે કબજો કર્યો છે અને જમીન ઉપર વાવેતર કરી ખેતી કરે છે અને જમીન ખાલી કરવા માટે પૈસાની માંગણી કરેલ છે જેથી વૃદ્ધ દ્વારા નોંધાવવામાં આવેલ ફરિયાદ આધારે પોલીસે આરોપીઓને પકડવા માટે ચક્રોગતિમાન કરેલ હતા અને આ ગુનામાં મોરબીના ડિવાયએસપી પી.એ.ઝાલા અને તેઓની ટીમ દ્વારા આરોપી રતાભાઇ દેવાભાઈ ખાંભલા (60) અને રણછોડભાઈ ઉર્ફે લાલો જીવણભાઈ ખાંભલા (34) રહે. બંને બરવાળા વાળાની ધરપકડ કરી આગળની કાર્યવાહી હાથ ધરી છે
