મોરબીમાં ઘરમાંથી દારૂની 20 બોટલો ઝડપાઇ, આરોપીની શોધખોળ

મોરબીના ઇન્દિરાનગર વિસ્તારમાં રહેણાંક મકાનમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની 20 બોટલો મળી આવી હતી જેથી 4800 રૂપિયાની કિંમતનો દારૂનો જથ્થો કબજે કર્યો હતો જોકે, આરોપી ઘરે હાજર ન હોય તેની સામે બી ડિવિઝન પોલીસ સ્ટેશન ખાતે ગુનો નોંધી આરોપીને પકડવા માટે તજવીજ શરૂ કરી છે.

જાણવા મળતી માહિતી મુજબ મોરબી એલસીબીની ટીમ પેટ્રોલિંગ હતી ત્યારે મોરબીના ઇન્દિરાનગર વિસ્તારમાં લાભુબેનની દુકાનની પાસે રહેતા યુસુફ મોવરના રહેણાંક મકાનમાં દારૂનો જથ્થો હોવાની હકીકત મળી હતી જેથી પોલીસે ત્યાં દારૂની રેડ કરી હતી ત્યારે ઘરમાંથી દારૂની 20 બોટલો મળી આવી હતી જેથી પોલીસે 4800 રૂપિયાની કિંમતનો દારૂનો જથ્થો કબજે કર્યો હતો જોકે પોલીસ દ્વારા દારૂની રેડ કરવામાં આવી હતી ત્યારે આરોપી ઘરે હાજર ન હોય હાલમાં બી ડિવિઝન પોલીસ સ્ટેશન ખાતે યુસુફ ઈકબાલભાઈ મોવર રહે. ઇન્દિરાનગર મોરબી વાળાની સામે ગુનો નોંધી આરોપીને પકડવા માટે પોલીસે તજવીજ શરૂ કરી છે.