મોરબીના બેલા (આમરણ) ગામે આધેડ દંપતી સારવારમાં મોરબીની સજનપર શાળામાં દાતાએ ૪૫ બાકડા મુકાવ્યા મોરબી નજીક બાઇક સહિત પિતા-પૂત્રને કચડી નાખનારા ડમ્પર ચાલક સામે ગુનો નોંધાયો બે દિવસમાં ટ્રાફિક શાખાનું તાંડવ: મોરબીમાં નંબર પ્લેટ વગર દોડતા-ટ્રાફિકના નિયમનો ભંગ કરતાં ડમ્પર સહિત કુલ 41 વાહનો ડિટેન ટંકારાના જબલપુર ગામે જુગાર રમતા 6 શખ્સ 24,500ની રોકડ સાથે પકડાયા મોરબીના પીપળી રોડ પર આવેલા વેરહાઉસમાંથી 4 તરુણ શ્રમયોગીઓને તંત્રએ મુક્ત કરાવ્યા મોરબીના ખારચીયા ગામે કલેક્ટર સ્વપ્નિલ ખરેના અધ્યક્ષસ્થાને યોજાઈ રાત્રીસભા મોરબી શહેર અને ગ્રામ્ય કક્ષાએ ૬ ડિસેમ્બરે યોજાશે કલા મહાકુંભ
Breaking news
Morbi Today

મોરબીમાં વ્યાજના રૂપિયા વસૂલવા યુવાનને મર્ડરની ધમકી આપનાર વ્યાજખોર જેલ હવાલે


SHARE







































મોરબીમાં વ્યાજના રૂપિયા વસૂલવા યુવાનને મર્ડરની ધમકી આપનાર વ્યાજખોર જેલ હવાલે

મોરબીમાં રહેતા યુવાને ત્રણ ટકાના વ્યાજ લેખે લીધેલા રૂપિયા આપનાર વ્યક્તિનું મોત નીપજયું હતું ત્યાર બાદથી વ્યાજે રૂપિયા આપનારા વ્યક્તિના ભાઈ દ્વારા યુવાન પાસેથી વ્યાજ સહિતના રૂપિયાની પઠાણી ઉઘરાણી કરવામાં આવી રહી હતી અને યુવાનને ઓફિસે બોલાવીને તથા ફોન ઉપર ગાળો આપીને મર્ડરની ધમકી આપવામાં આવતી હતી જેથી યુવાને બી ડિવિઝન પોલીસ સ્ટેશનમાં નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી હતી અને આ ગુનામાં પોલીસે આરોપીને પકડીને કોર્ટમાં રજૂ કર્યા બાદ જેલ હવાલે કરેલ છે.

મોરબી શહેરના સામાકાંઠા વિસ્તારમાં વિદ્યુતનગરની પાછળના ભાગમાં આવેલ વિક્રમ વાળી વિસ્તારમાં રહેતા અને ડ્રાઇવિંગ કામ કરતા હેમંતભાઈ ઘોઘાભાઈ સુરેલા (32)એ મોરબી બી ડિવિઝન પોલીસ સ્ટેશન ખાતે અશોકસિંહ ઉર્ફે બબભા બહાદુરસિંહ ઝાલા રહે. મોરબી વાળાની સામે ફરિયાદ નોંધાવેલ હતી કે, તેણે અશોકસિંહના મોટાભાઈ શક્તિસિંહ બહાદુરસિંહ ઝાલા પાસેથી 4,00,000 રૂપિયા 3 ટકાના વ્યાજ લેખે લીધેલ હતા અને તેનું મોત થયું છે ત્યાર બાદથી અશોકસિંહ ઝાલા ફરિયાદી પાસેથી વ્યાજ સહિતના રૂપિયા પાછા લેવા માટે ઉઘરાણી કરી રહ્યા છે અને આરોપીએ તેને ઓફિસે બોલાવીને તેમજ ફોન ઉપર જેમ ફાવે તેમ ગાળો આપીને ધમકી આપેલ છે અને “એક મર્ડર કરેલ છે તેમાંથી છુટીને આવેલ છુ અને તારૂ મર્ડર કરતા વાર નહી લાગે” તેમ કહી ફોન ઉપર તેમજ રૂબરૂમા જાન થી મારી નાખવાની ધમકી આપવામાં આવી રહી હતી જેથી યુવાને નોંધાવેલ ફરિયાદ આધારે બી ડિવિઝન પોલીસ સ્ટેશનના પીએસઆઈ આર.પી.જાડેજા અને તેના રાઇટર દશરથસિંહ જેઠાવાએ આરોપી આશોકસિંહ ઉર્ફે બબભા બહાદુરસિંહ ઝાલા (29) રહે. ભાગ્યલક્ષ્મી સોસાયટી મોરબી વાળાની ધરપકડ કરી હતી અને આ આરોપીને કોર્ટમાં રજૂ કરીને હાલમાં જેલ હવાલે કરવામાં આવેલ છે.
















Latest News