વધુમાં તાલુકા પોલીસના જણાવ્યા પ્રમાણે મોરબીના પાવડીયારી નજીક આવેલ બ્લુઝોન સિરામીકના લેબર કવાટરમાં રહીને ત્યાં જ મજૂરી કામ કરતો પ્રભાત દલાઇ નામનો ૨૦ વર્ષનો યુવાન મોરબીના પાવડીયારી નજીક આવેલ કજરીયા સેનેટરી પાસેથી પગપાળા જતો હતો.ત્યારે ત્યાંથી બાઈક લઈને નીકળેલ અભિસિંહ (ઉમર ૨૪) રહે.સ્કાયટચ સિરામિક વાળો તેની સાથે અથડાયો હતો.જે અકસ્માત બનાવમાં પગપાળા જતા પ્રભાત દલાઇ તથા બાઇક સવાર અભિસિંહ બંનેને ઇજાઓ પહોંચી હતી.જેથી બંનેને શહેરના સામાકાંઠેની ખાનગી હોસ્પિટલમાં સારવાર માટે લઈ જવાયા હતા.આ બનાવ અંગે તાલુકા પોલીસ મથકના એ.પી.જાડેજા આગળની તપાસ ચલાવી રહ્યા છે.