મોરબીના લક્ષ્મીનગર ગામે ઘરમાં ગળાફાંસો ખાઈ લેતા યુવતી બેભાન હાલતમાં સારવાર હેઠળ
Morbi Today
મોરબીના લક્ષ્મીનગરમાં ઘર પાસેથી નીકળવાની બાબતે બોલાચાલી કરીને મહિલાને ત્રણ મહિલા સહિત સાત લોકોએ માર માર્યો
SHARE
JOIN OUR GROUP
મોરબીના લક્ષ્મીનગરમાં ઘર પાસેથી નીકળવાની બાબતે બોલાચાલી કરીને મહિલાને ત્રણ મહિલા સહિત સાત લોકોએ માર માર્યો
મોરબી નજીકના લક્ષ્મીનગર ગામે અગાઉ થયેલ બોલાચાલી બાદ ઘર પાસેથી નીકળવાની ના પાડી હતી તેમ છતાં પણ ઘર પાસેથી મહિલા નીકળતા તેની સાથે બોલાચાલી કરી હતી અને તેને ઢીકાપાટુનો માર મારવામાં આવ્યો હતો જેથી ભોગ બનેલ મહિલાએ મોરબી તાલુકા પોલીસ સ્ટેશન ખાતે ત્રણ મહિલા સહિત કુલ સાત વ્યક્તિઓ સામે ફરિયાદ નોંધાવતા પોલીસે આરોપીઓને પકડવા માટે તજવીજ હાથ ધરી છે.
જાણવા મળતી માહિતી મુજબ મોરબી તાલુકાના લક્ષ્મીનગર ગામે આવેલ ઓમ પાર્કમાં રહેતા લતાબેન બીપીનભાઈ પરમાર (32)એ મોરબી તાલુકા પોલીસ સ્ટેશન ખાતે મનીષાબેન કેતનભાઇ સાગઠીયા અને કેતનભાઇ સાગઠીયા રહે. બંને મહેન્દ્રનગર તથા બાબુ બાલાભાઈ દાફડા, ચિરાગ બાબુભાઈ દાફડા, અભય બાબુભાઈ દાફડા, ચંપા બાબુભાઇ દાફડા અને નયના બાબુભાઈ દાફડા રહે બધા ઓમ સોસાયટી લક્ષ્મીનગર તાલુકો મોરબી વાળાની સામે ફરિયાદ નોંધાવેલ છે જેમાં જણાવ્યું છે કે, આરોપી મનિષાબેન અગાઉ ફરિયાદીના પતિને ફોન કરતી હતી જેથી ઘર પાસે આવવાની ના પાડેલ હતી છતાં આરોપી મનિષાબેન ઘર પાસેથી નીકળતા બોલાચાલી થઈ હતી અને ત્યારબાદ તમામ આરોપીઓએ ફરીયાદીને ઢીકાપાટુનો માર મારીને ઇજા કરી હતી જેથી ઇજા પામેલ મહિલાને સારવાર માટે હોસ્પિટલે લઈ ગયા હતા અને આ બનાવની મહિલાએ નોંધાવેલ ફરિયાદ આધારે પોલીસે ગુનો નોંધી આરોપીઓને પકડવા માટે તજવીજ શરૂ કરી છે
ઝેરી દવા પી લેતા સારવારમાં
ટંકારામાં રહેતો દુર્ગેશ ભરતભાઈ પટણી (23) નામનો યુવાન કોઈ અગમ્ય કારણોસર પોતે પોતાના ઘરે હતો ત્યારે ઝેરી દવા પી ગયો હતો જેથી તેને તાત્કાલિક સારવાર માટે પ્રથમ ટંકારા અને ત્યાંથી વધુ સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરી હતી.
