મોરબીના યંગ ઇન્ડિયા ગ્રુપે જરૂરિયાતમંદ બાળકો-પરિવારો સાથે દિવાળી ઉજવી
SHARE
JOIN OUR GROUP
મોરબીના યંગ ઇન્ડિયા ગ્રુપે જરૂરિયાતમંદ બાળકો-પરિવારો સાથે દિવાળી ઉજવી
મોરબીના યંગ ઇન્ડિયા ગ્રુપ દ્વારા આ વર્ષે દિવાળીની ઉજવણી ખાસ રીતે કરવામાં આવી હતી અને ગ્રુપના સભ્યોએ 3000 જેટલા બાળકોને ફટાકડાની કીટ તથા સ્વાદિષ્ટ મીઠાઈનું વિતરણ કર્યું હતું. આટલું જ નહીં 200 જેટલા આર્થિક રીતે નબળા પરિવારોને રાશન કીટનું વિતરણ કર્યું હતું યંગ ઇન્ડિયા ગ્રુપ છેલ્લા ઘણા વર્ષોથી “આપવાનો આનંદ” અભિયાન હેઠળ દરેક તહેવારની ઉજવણી કરે છે. તેવી જ રીતે દિવાળીના પર્વની ઉજવણી કરવામાં આવી હતી આ અંગે યંગ ઇન્ડિયા ગ્રુપના સંસ્થાપક દેવેનભાઈ રબારીએ જણાવ્યું હતું કે, “દિવાળી અને નવું વર્ષ ફક્ત કેલેન્ડર બદલવાનો પ્રસંગ નથી, પણ એ જીવનમાં નવી શરૂઆત કરવાનો અવસર છે. ઘર સાફ થઈ જાય છે, પણ દિલનું શું? એ પણ સાફ થવું જોઈએ. આ દિવાળીએ યંગ ઇન્ડિયા ગ્રુપે મોરબીના વિવિધ વિસ્તારોમાં જઈને બાળકોને ફટાકડાની કીટ, મીઠાઈ અને ભોજન કરાવ્યું હતું તથા ગરીબ પરિવારોને રાશન કીટ આપી “દિલના દીવાઓ પ્રજલિત કરી આનંદના અજવાળા” કરવાનો પ્રયાસ કર્યો હતો.
