મોરબી જીલ્લામાં 8 શખ્સો સામે 11 લાખથી વધુના સાયબર ફ્રોડની નામ જોગ જુદીજુદી બે ફરિયાદ નોંધાઈ

મોરબી જિલ્લાના જુદા જુદા પોલીસ સ્ટેશનમાં સાયબર ફ્રોડને લગતી ફરિયાદો ધડાધડ નોંધવામાં આવી રહી છે તેવામાં મોરબી એ ડિવિઝન અને સાયબર ક્રાઇમ પોલીસ સ્ટેશન ખાતે વધુ બે ગુના નોંધાયેલ છે જેમાં કુલ મળીને 11 લાખથી વધુની રકમનું સાયબર ફ્રોડની કરીને રકમને સગેવગે કરવામાં આવેલ છે જેથી પોલીસે જુદાજુદા ગુના નોંધીને આરોપીઓને પકડવા માટે તજવીજ હાથ ધરી છે.

છેલ્લા ઘણા સમયથી સાયબર ફ્રોડના બનાવો વધી રહ્યા હતા જેથી સાયબર ફ્રોડ કે છેતરપિંડીથી કોઈ પણ બેંક એકાઉન્ટમાં રૂપિયા લેવામાં આવ્યા હોય તો તે બેન્ક એકાઉન્ટના ધારક સહિતની આખી સિન્ડિકેટરને પકડવા માટે પોલીસે કાર્યવાહી શરૂ કરીને ધડોધડ ગુના નોંધીને આરોપીઓને પકડવાની શરૂઆત કરી છે તેવામાં મોરબી એ ડિવિઝન પોલીસ સ્ટેશન ખાતે વધુ એક ફરિયાદ નોંધાયેલ છે જેમાં શાહિદભાઈ સુભાનભાઈ મુલતાની રહે. ભુવનેશ્વરી પાર્ક શોભેશ્વર રોડ મોરબી, વિરલભાઈ હિંમતભાઈ ઇસલામીયા અને દિપેશ હિંમતભાઈ ઇસલામીયા રહે. બંને મોરબી તથા સમીર બદીયાણી રહે. રાજકોટ અને તપાસમાં જેના નામ સામે આવે તેની સામે ગુનો નોંધીને પોલીસે આરોપીઓને પકડવા માટે તજવીજ શરૂ કરેલ છે.

આ ગુનાની વધુમાં પોલીસે પાસેથી મળેલ માહિતી મુજબ બેંક એકાઉન્ટ ધારાકના આઈડીબીઆઇ બેન્કના એકાઉન્ટમાં સમીર બદીયાણી મારફતે 9,08,785 રૂપિયા આવ્યા હતા તે વિરલ તથા તેના ભાઈ દિપેશ અને તેની સાથેના અન્ય શખ્સોએ આર્થિક લાભ મેળવવા માટે પૂર્વ આયોજિત કાવતરું રચીને સાયબર ફ્રોડ કે છેતરપિંડીથી નાણા મેળવ્યા હતા અને તેને અન્ય બેન્ક એકાઉન્ટ ધારકોને કમિશનની લાલચ આપી સાયબર ફ્રોડ કે છેતરપિંડીના નાણા ચેક કે એટીએમથી વિડ્રો કરી સગેવગે કર્યા હતા અને આર્થિક લાભ મેળવેલ હતો જેથી એ ડિવિઝનની ટીમે આ ગુનામાં આરોપીઓને પકડવા માટે તજવીજ શરૂ કરી હતી અને હાલમાં આરોપી શાહિદભાઈ સુભાનભાઈ મુલતાની (41) રહે. ભુનેશ્વરી પાર્ક સોઓરડી મોરબી વાળાની ધરપકડ કરવામાં આવે છે અને બાકીના આરોપીઓને પકડવા માટે તજવીજ ચાલી રહી છે

મોરબી જિલ્લા સાયબર ક્રાઇમ પોલીસ સ્ટેશન ખાતે વસંત જયરાજભાઇ વાઘેલા રહે. કોળીની વાડી રોકડિયા હનુમાન મંદિર પાસે મોરબી, લાલજીભાઈ શામજીભાઈ દેગામા રહે. માધાતા સોસાયટી પુરા મોરબી, રવિભાઈ ગઢવી રહે. મોરબી અને ગોપાલભાઈ ઉપસરીયા રહે. મધુપુર તાલુકો મોરબી તથા તપાસમાં જેના નામ ખુલે તેની સામે સાયબર ક્રાઇમની ફરિયાદ નોંધાય છે જેમાં જણાવ્યું છે કે વસંત વાઘેલા અને લાલજીભાઈ દેગામાના બેંક એકાઉન્ટમાં સાયબર ફ્રોડ કે છેતરપિંડીથી 2,01,120 રૂપિયા આવ્યા હતા જે રવિભાઈ ગઢવી અને ગોપાલભાઈ ઉપસરિયાએ લાગતા વળગતાઓ સાથે પૂર્વ આયોજિત કાવતરું રચીને તે રકમને બેન્ક એકાઉન્ટમાંથી ચેકથી કે એટીએમ મારફતે વીડ્રો કરી હતી અને તે નાણાને સગેવગે કર્યા હતા અને આર્થિક લાભ મેળવ્યો હતો જેથી કરીને પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે.