મોરબી નજીક ગોડાઉનમાંથી ઝડપાયેલ 17,514 બોટલ દારૂના ગુનામાં ગોવાનો સપ્લાયર પકડાયો: 7 દિવસના રિમાન્ડ મંજૂર

મોરબીના શનાળા ગામ પાસે ગોડાઉનમાં એસએમસીની ટિમે ગત જાન્યુઆરી માહિનામાં રેડ કરી હતી ત્યારે સ્થળ ઉપરથી 17,514 દારૂની બોટલ સહિત કુલ મળીને 1.11 કરોડથી વધુના મુદામાલ કબ્જે કર્યો હતો જે ગુનામાં માલના સપ્લાયરની એલસીબીની ટીમે ધરપકડ કરેલ છે અને આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના 7 દિવસના રિમાન્ડ મંજૂર કરેલ છે.

મોરબીના શકત શનાળા ગામની સીમમાં આવેલ આનંદ પાર્ટી પ્લોટની પાછળના ભાગમાં આવેલ ભૂમિ ગોડાઉનમા એસએમસીની ટીમે ગત જાન્યુઆરી માહિનામાં દારૂની રેડ કરી હતી ત્યારે સ્થળ ઉપરથી 17,514 દારૂની બોટલ મળી આવી હતી જેથી 76,39,092 કિંમતનો દારૂ તેમજ 3 વાહન, 4 મોબાઇલ અને રોકડ રૂપિયા 5,120 આમ કુલ મળીને 1,11,94,212 નો મુદામાલ કબજે કર્યો હતો અને ત્યારે સ્થળ ઉપરથી ચાર આરોપીઓને પકડવામાં આવેલ હતા અને ક્રમશઃ આ ગુનામાં પોલીસે અત્યાર સુધીમાં કુલ 11 આરોપીઓને પકડેલ છે. તેવામાં મોરબી જિલ્લા એલસીબીના પીઆઇ એમ.પી.પંડ્યાની સૂચના મુજબ સ્ટાફ દ્વારા તપાસ કરવામાં આવી રહી છે અને હાલમાં 12 આરોપીને પકડવામાં આવેલ છે જેની પોલીસ પાસેથી મળતી માહિતી મુજબ આરોપી વિપિનકુમાર ઘનશ્યામ અરોરા (39) રહે. સપનારાજ વેલી તુલીપ બિલ્ડીંગ સંગોડા નોર્થ ગોવા વાળાનો વડોદરા મધ્યસ્થ જેલમાંથી કબ્જો એલસીબીની ટીમ દ્વારા લેવામાં આવ્યો હતો અને તેની એ ડિવિઝન પોલીસ સ્ટેશનમાં નોંધાયેલ ગુનામાં ધરપકડ કરીને આરોપીને રિમાન્ડની માંગણી સાથે મોરબીની કોર્ટમાં રજૂ કરવામાં આવતા કોર્ટે આરોપીના 7 દિવસના રિમાન્ડ મંજૂર કર્યા છે.