વાંકાનેરમાં ટાઉનહોલના પાર્કિંગમાંથી 7.183 કિલો ગાંજાના જથ્થા સાથે બે શખ્સ ઝડપાયા: 10.72 લાખનો મુદ્દામાલ કબજે
SHARE
JOIN OUR GROUP
વાંકાનેરમાં ટાઉનહોલના પાર્કિંગમાંથી 7.183 કિલો ગાંજાના જથ્થા સાથે બે શખ્સ ઝડપાયા: 10.72 લાખનો મુદ્દામાલ કબજે
વાંકાનેરમાં આવેલ ટાઉનહોલના પાર્કિંગમાં પડેલી આર્ટિકા કારમાં ગાંજાનો જથ્થો હોવાની ચોક્કસ હકીકત મળી હતી જેના આધારે એસઓજીની ટીમ દ્વારા ત્યાં રેડ કરવામાં આવી હતી ત્યારે સ્થળ ઉપર કારમાંથી 7.183 કિલો ગ્રામ ગાંજાનો જથ્થો મળી આવ્યો હતો જેથી કરીને 3,59,150 ની કિંમતનો ગાંજાનો જથ્થો તેમજ કાર, બે મોબાઇલ અને રોકડા રૂપિયા મળીને 10,72,650 ની કિંમતનો મુદ્દામાલ કબજે કરી પોલીસે બે આરોપીઓની ધરપકડ કરેલ છે અને હાલમાં વાંકાનેર સિટી પોલીસ સ્ટેશન ખાતે એનડીપીએસ એક્ટ મુજબ ગુનોથી આગળની કાર્યવાહી હાથ ધરી છે.
મોરબી જિલ્લા એસઓજી ની ટીમ પેટ્રોલિંગમાં હતી ત્યારે વાંકાનેર શહેરમાં આવેલ ટાઉનહોલ પાસે પાર્કિંગમાં અલટીકા કાર નંબર જીજે 4 ડીએન 3804 કે જેમાં પાછળના ભાગે રોનક લખેલું છે તે ગાડીની અંદર ગાંજાનો જથ્થો છે તેવી ચોક્કસ હકીકત મળી હતી જેના આધારે એસઓજી ની ટીમ દ્વારા ત્યાં રેડ કરવામાં આવી હતી ત્યારે કારમાં બે શખ્સ બેઠેલા જોવા મળ્યા હતા અને તે કારને ચેક કરવામાં આવતા તેમાંથી 7.183 કિલો ગ્રામ ગાંજાનો જથ્થો મળી આવ્યો હતો જેથી કરીને 3,59,150 ની કિંમતનો ગાંજો તેમજ 7 લાખ રૂપિયાની કિંમતની કાર, 10,000 રૂપિયાની કિંમતના બે મોબાઈલ ફોન અને રોકડા 3,500 આમ કુલ મળીને 10,72,650 ની કિંમતનો મુદ્દામાલ કબજે કરવામાં આવ્યો હતો અને આરોપી લલિતભાઈ ઉર્ફે લક્કી હેમંતભાઈ ધામેચા તેમજ વિજયભાઈ સાગરભાઇ સારલા નામના બે શખ્સને પકડવામાં આવ્યા હતા અને તે બંનેની સામે વાંકાનેર સિટી પોલીસ સ્ટેશન ખાતે એનડીપીએસ એક્ટની કલમ હેઠળ ગુનો નોંધાવીને બંને આરોપીઓ તથા મુદ્દામાલ વાંકાનેર સિટી પોલીસ સ્ટેશન ખાતે સોંપવામાં આવેલ છે અને આગળની તપાસ વાંકાનેર સિટી પોલીસની ટીમ દ્વારા હાથ કરવામાં આવી છે
