હળવદના ઘનશ્યામપુર ગામની સીમમાં વાડીની ઓરડીમાંથી 65 બોટલ દારૂ ઝડપાયો, આરોપીની શોધખોળ
SHARE
JOIN OUR GROUP
હળવદના ઘનશ્યામપુર ગામની સીમમાં વાડીની ઓરડીમાંથી 65 બોટલ દારૂ ઝડપાયો, આરોપીની શોધખોળ
હળવદ તાલુકાના ઘનશ્યામપુર ગામની સીમમાં વાડીની ઓરડીમાં રેડ કરવામાં આવી હતી ત્યારે ત્યાં સ્થળ ઉપરથી દારૂની નાની 65 બોટલ મળી આવતા પોલીસે 9,425 ની કિંમતનો દારૂનો જથ્થો કબજે કર્યો હતો જોકે, રેડ કરી હતી ત્યારે આરોપી હાજર ન હોય હાલમાં હળવદ તાલુકા પોલીસ સ્ટેશન ખાતે ગુનો નોંધીને પોલીસે આરોપીને પકડવા માટે તજવીજ શરૂ કરેલ છે
હળવદ તાલુકા પોલીસની ટીમ પેટ્રોલિંગમાં હતી ત્યારે હળવદ તાલુકાના ઘનશ્યામપુર ગામની સીમમાં કુલદીપ લીબોલાના કબજા વાળી વાડીની ઓરડીમાં દારૂનો જથ્થો હોવાની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપર વાડીની ઓરડીમાંથી દારૂની નાની 65 બોટલ મળી આવતા 9425 ની કિંમતનો દારૂનો જથ્થો પોલીસ દ્વારા કબજે કરવામાં આવ્યો હતો અને પોલીસે જ્યારે દારૂની રેડ કરી હતી ત્યારે આરોપી હાજર ન હોય હાલમાં હળવદ તાલુકા પોલીસ સ્ટેશન ખાતે કુલદીપ જલુભાઈ લીબોલા રહે. ઘનશ્યામપુર તાલુકો હળવદ વાળા સામે ગુનો નોંધીને પોલીસ આરોપીને પકડવા માટે તજવીજ શરૂ કરેલ છે
બાઈક સ્લીપ
મોરબીમાં નજરબાગ રેલવે સ્ટેશન સામે વિદ્યાનગરમાં રહેતા સરવૈયા લક્ષ્મણભાઈ જાદવજીભાઈ (47) નામનો યુવાન બાઇક લઈને જઈ રહ્યો હતો દરમિયાન રફાળેશ્વર રોડ ઉપર ફાટક પાસે બાઈક સ્લીપ થવાના કારણે અકસ્માત થયો હતો જે બનાવમાં ઈજા થતાં તેને સારવાર માટે હોસ્પિટલે લઈને આવ્યા હતા તેને સારવાર આપીને બનાવની પોલીસને જાણ કરવામાં આવી છે
મારામારીમાં ઇજા
હળવદ તાલુકાના માથક ગામે રહેતા નિખિલ રાજુભાઈ ગોહિલ (19) નામના યુવાનને મારામારીના બનાવમાં ઈજા થતાં તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપીને બનાવની પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પોલીસને જાણ કરવામાં આવી છે
