વાંકાનેર નજીક રિક્ષા ચાલકે બાઇકને હડફેટે લેતા ઈજા પામેલા વૃદ્ધ સારવારમાં: ગુનો નોંધાયો
SHARE
JOIN OUR GROUP
વાંકાનેર નજીક રિક્ષા ચાલકે બાઇકને હડફેટે લેતા ઈજા પામેલા વૃદ્ધ સારવારમાં: ગુનો નોંધાયો
વાંકાનેર મોરબી હાઇવે રોડ ઉપર આવેલ વાસુકી દાદાના મંદિર પાસેની કટ નજીકથી વૃદ્ધ પોતાનું બાઈક લઈને પસાર થઈ રહ્યા હતા ત્યારે રીક્ષા ચાલકે તેઓના બાઈકને હડફેટે લીધું હતું જેથી અકસ્માત સર્જાયો હતો અને અકસ્માતના આ બનાવમાં વૃદ્ધને ગંભીર ઇજા થઈ હતી જેથી તેને સારવાર માટે હોસ્પિટલે લઈને આવ્યા હતા. અને ત્યારબાદ ઇજાગ્રસ્ત વૃદ્ધના ભત્રીજાએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
વાંકાનેરના કુંભારપરામાં રહેતા મયુરભાઈ રામજીભાઈ મકવાણા (36) એ હાલમાં સીએનજી રીક્ષા નંબર જીજે 36 યુ 1562 ના ચાલક સામે વાંકાનેર સિટી પોલીસ સ્ટેશન ખાતે ફરિયાદ નોંધાવી છે જેમાં જણાવ્યું છે કે વાંકાનેરથી મોરબી તરફ જવાના હાઇવે રોડ ઉપર આવેલ નવાપરાની કટ પાસે વાસુકી દાદાના મંદિર નજીકથી તેઓના કાકા વાલજીભાઈ રવજીભાઈ મકવાણા (80) રહે. કુંભારપરા વાકાનેર વાળા પોતાનું બાઈક નંબર જીજે 3 એફસી 8095 લઈને મજૂરી કામે જઈ રહ્યા હતા દરમિયાન રિક્ષા ચાલકે રોંગ સાઈડમાં પોતાનું વાહન ચલાવીને ફરિયાદીના કાકાના બાઇકને હડફેટે લીધું હતું જે બનાવમાં ફરિયાદીના કાકાને માથાના ભાગે ગંભીર ઇજા થઈ હતી અને રીક્ષા ચાલક પોતાની રીક્ષા ત્યાં મૂકીને નાસી ગયો હતો જે બનાવ સંદર્ભે ઇજાગ્રસ્ત વૃદ્ધના ભત્રીજાએ નોંધાવેલ ફરિયાદ આધારે પોલીસે રીક્ષા ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે
