રાજ્ય સરકારના માર્ગદર્શન અનુસાર શ્રેષ્ઠ કાર્યક્ષમ દિવ્યાંગ કર્મચારીઓ, રોજગાર કરતી શ્રેષ્ઠ દિવ્યાંગ વ્યક્તિઓ, દિવ્યાંગોને નોકરીએ રાખનાર શ્રેષ્ઠ નોકરીદાતાઓ અને દિવ્યાંગ વ્યક્તિઓને રોજગારી પૂરી પાડવાની કામગીરી કરતા પ્લેસમેન્ટ ઓફિસરોને રાજ્ય કક્ષાના પારિતોષિક આપવાની યોજના અમલમાં મુકવામાં આવી છે.

જે અન્વયે મોરબી જિલ્લામાં દિવ્યાંગ પારિતોષિક મેળવવા અંગે ઇચ્છુક દિવ્યાંગ કર્મચારીશ્રીઓ, અધિકારીશ્રીઓ અથવા દિવ્યાંગ કર્મચારીઓને નોકરીમાં રાખનાર અધિકારીઓ, નોકરીદાતાઓ, પ્લેસમેન્ટ ઓફિસર અથવા સ્વરોજગાર કરતાં દિવ્યાંગ વ્યક્તિઓએ નિયત નમુનામાં અરજી પત્રક ભરીને જરૂરી દસ્તાવેજો સાથે જોડીને બે નકલમાં આગામી તા. ૨૭/૦૩ સુધીમાં જિલ્લા રોજગાર વિનિમય કચેરી, જિલ્લા સેવા સદન, રૂમ નંબર ૨૧૪, બીજો માળ, સો-ઓરડી વિસ્તાર, મોરબી- આ સરનામા પર રૂબરૂ કે ટપાલના માધ્યમથી પહોંચાડવાનું રહેશે. ઉલ્લેખનીય છે કે રાજ્યકક્ષાના અને રાષ્ટ્રીય કક્ષાના પારિતોષિક માટે અલગ-અલગ અરજી પત્રક ભરવાનું રહેશે. અને અધુરી વિગતોવાળી અને સુનિશ્ચિત સમય મર્યાદા બાદની અરજીઓનો સ્વીકાર કરવામાં આવશે નહીં. અરજી પત્રક વેબસાઇટ https://anubandham.gujarat.gov.in/notice-board પરથી મેળવી શકાશે અથવા અત્રેની કચેરી ખાતેથી વિના મુલ્યે કચેરી સમય દરમિયાન મળી શકશે. તેમ જિલ્લા રોજગાર અધિકારી, મોરબીની યાદીમાં જણાવવામાં આવ્યું છે.

ખેલ મહાકુંભના વિજેતા ખેલાડીઓ જોગ

ખેલ મહાકુંભનાં ૨૦૨૫-૨૬માં સંસ્કરણમાં મોરબી જિલ્લા કક્ષાએ અનેક ખેલાડીઓ વિજેતા થયેલ છે.  આવા વિજેતા  ખેલાડીએ રોકડ પુરસ્કારનાં ફોર્મ જિલ્લા રમત ગમત કચેરી ખાતે જમા કરવવાના બાકી હોય તો તેવા તમામ વિજેતા ખેલાડીઓએ તા.૯/૩ ના રોજ સાંજે ૬:૦૦ કલાક સુધીમાં જિલ્લા રમત પ્રશિક્ષણ કેન્દ્ર-મોરબી, ઓમ શાંતિ પ્રિ-સ્કૂલની સામે, સુર્યકીર્તિ-૧, મહારાણા પ્રતાપ સર્કલ, મોરબી-૨ જિ.મોરબી ખાતે જમા કરવાના રહેશે. અને નિયત સમય મર્યાદામાં આવેલ અરજીઓને જ ધ્યાનમાં લેવામાં આવશે. સમય મર્યાદા બાદ રોકડ પુરસ્કાર બાબતે કોઈ રજૂઆત ધ્યાને લેવામાં આવશે નહિ જેની તમામ શાળાઓ, આચાર્યઓ, શિક્ષકઓ,  ખેલાડીઓએ ખાસ નોંધ લેવા જિલ્લા રમત ગમત અધિકારીની યાદીમાં જણાવાયું છે.