વાંકાનેરના લિંબાળા ગામે ઘરમાં જુગારની રેડ કરતાં 1.53 લાખના મુદામાલ સાથે 7 પકડાયા: એક ફરાર

વાંકાનેર નજીક લિંબાળા ગામે ઘરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા ઘરધણી સહિત કુલ 8 વ્યક્તિઓ મળી આવ્યા હતા જેથી પોલીસે 98,500 રોકડા તથા 55 હજાર રૂપિયાની કિંમતમાં 7 મોબાઈલ ફોન આમ કુલ મળીને 1,53,500 ની કિંમતનો મુદ્દામાલ કબજે કર્યો છે અને હાલમાં સાત આરોપીઓને ઝડપી લીધા છે જો કે, એક શખ્સ નાસી ગયેલ હોય 8 શખ્સોની સામે ગુનો નોંધીને પોલીસે આગળની કાર્યવાહી કરેલ છે.

મોરબી જિલ્લા પેરોલ ફર્લોની ટીમ પેટ્રોલિંગમાં હતી ત્યારે વાંકાનેર નજીક આવેલ લિંબાળા ગામે ઇરફાનભાઇ બલોચના રહેણાંક મકાનમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે ત્યાં સ્થળ ઉપરથી જુગાર રમતા ઘરધણી ઇરફાનભાઇ હનીફભાઈ બલોચ (45) રહે. માર્કેટયાર્ડ પાસે ચંદ્રપુર, દીપકભાઈ ઉર્ફે બટક દેવશીભાઈ હડાણી (34) રહે. જીનપરા વાંકાનેર, સંદીપભાઈ ઉર્ફે કાનો રમણીકભાઈ માણેક (45) રહે. કડીયાવાડ પોસ્ટ ઓફિસ સામે વાંકાનેર, મેહુલભાઈ વિનયચંદ્ર મારુ (45) રહે. પુલ દરવાજા શાક માર્કેટ પાછળ વાંકાનેર, આરીફભાઇ હનીફભાઈ બલોચ (48) રહે. લક્ષ્મીપરા શેરી નં-3 વાંકાનેર, અમિતભાઈ ઉર્ફે ઘટલો અરવિંદભાઈ સોલંકી (33) રહે. જીનપરા વાંકાનેર અને વિપુલભાઈ રમેશભાઈ ચૌહાણ (30) રહે જીનપરા વાંકાનેર વાળાને પોલીસે ઝડપી લીધા હતા અને તેની પાસેથી 98,500 ની રોકડ તથા 55 હજારની કિંમતના 7 મોબાઈલ ફોન આમ કુલ મળીને 1,53,500 ની કિંમતનો મુદ્દામાલ કબજે કર્યો હતો જોકે પોલીસને જોઈને રાજુભાઈ કોળી રહે. લિંબાળા ગામ વાળો નાસી ગયેલ હોય પોલીસે કુલ 8 વ્યક્તિઓ સામે ગુનો નોંધીને નાસી છૂટેલા આરોપીને પકડવા માટે તજવીજ શરૂ કરી છે.