વાંકાનેરના સતાપર ગામની સીમમાં વાડી નજીક જુગાર રમતા આઠ શખ્સો ઝડપાયા
Morbi Today
ટંકારાના લતીપર રોડ ઉપર બાઈક સાથે બાઈક અથડાતા સર્જાયેલ અકસ્માતમાં ઈજા પામેલ વૃદ્ધનું સારવારમાં મોત
SHARE
JOIN OUR GROUP
ટંકારાના લતીપર રોડ ઉપર બાઈક સાથે બાઈક અથડાતા સર્જાયેલ અકસ્માતમાં ઈજા પામેલ વૃદ્ધનું સારવારમાં મોત
ટંકારાના લતીપર રોડ ઉપર ઓટાળા ગામની સીમમાં પેટ્રોલ પંપ પાસેથી વૃદ્ધ પોતાનું બાઇક લઈને પસાર થઈ રહ્યા હતા ત્યારે અન્ય બાઇક ચાલકે તેના બાઇકને હડફેટે લેતા અકસ્માત થયો હતો જે બનાવમાં વૃદ્ધને માથાના ભાગે ગંભીર ઇજા થઈ હોવાથી તેને સારવાર માટે હોસ્પિટલે લઈ ગયા હતા અને ચાલુ સારવાર દરમિયાન વૃદ્ધનું મોત નીપજ્યું હતું જેથી આ બનાવ સંદર્ભે મૃતક વૃદ્ધના દીકરાએ નોંધાવેલ ફરિયાદ આધારે પોલીસે અકસ્માત સર્જનાર બાઈક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે.
ટંકારાના ખાખરા ગામે રહેતા ભરતભાઈ દેવજીભાઈ જખાણીયા (32) એ ટંકારા તાલુકા પોલીસ સ્ટેશન ખાતે બાઈક નંબર જીજે 10 ડી ક્યૂ 3376 ના ચાલક સામે ફરિયાદ નોંધાવેલ છે જેમાં તેને જણાવ્યુ છે કે, ટંકારા તાલુકાના લતીપર રોડ ઉપર ઓટાળા ગામની સીમમાં પેટ્રોલ પંપ સામેથી તેઓના પિતા દેવજીભાઈ નરસીભાઈ જખાણીયા (59) પોતાનું બાઈક નંબર જીજે 3 એફએલ 7804 લઈને પસાર થઈ રહ્યા હતા ત્યારે આરોપી બાઈક ચાલકે તેઓના બાઈકને ટક્કર મારીને અકસ્માત કર્યો હતો જે બનાવની અંદર ફરિયાદીના પિતાને માથાના ભાગે ગંભીર ઈજા થઈ હોવાથી તેને સારવાર માટે હોસ્પિટલે લઈ ગયા હતા અને ચાલુ સારવાર દરમિયાન તેઓનું મોત નીપજ્યું હતું જેથી કરીને અકસ્માત મૃત્યુના આ બનાવ સંદર્ભે હાલમાં મૃતક વૃદ્ધના દીકરાએ નોંધાવેલ ફરિયાદ આધારે પોલીસે બાઈક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે.
