મોરબીના જેતપર ગામે બેકારીથી કંટાળી ગળેફાંસો ખાઈ જતા આધેડનું મોત

મોરબી તાલુકાના જેતપર ગામે રહેતા અને પૂજાપાના સામાનની ફેરી મારીને પરિવારનું ગુજરાન ચલાવતા આધેડે ગળેફાંસો ખાઈ લેતા તેમનું મોત નીપજ્યું હતું.મોરબી તાલુકા પોલીસ મથકના સૂત્રોમાંથી મળતી માહિતી પ્રમાણે જેતપર ગામે રહેતા રવજીભાઈ ઉર્ફે રવિભાઈ કેશવજીભાઈ ઘમણ નામના ૫૨ વર્ષના આધેડે તેમના ઘરે ગળેફાંસો ખાઈ લીધો હતો.જેથી તેમનું મોત થયુ હતુ.વધુમાં પોલીસના જણાવ્યા પ્રમાણે મૃતક રવજીભાઈ પૂજાપાના સામાનની ફેરી મારીને ગુજરાન ચલાવતા હતા પરંતુ કામ ધંધો બરોબર ચાલતો ન હોય આર્થિક સંકળામણના પગલે ઉપરોક્ત પગલું ભરી દીધું હતું.બનાવની જાણ થતા હાલ તાલુકા પોલીસ મથકના નંદરામભાઇ મેસવાણિયા દ્વારા આ બાબતે આગળની તપાસ કરવામાં આવી રહી છે.

દારૂ સાથે પકડાયા

મોરબીના સામાકાંઠે પીપળી ગામ નજીકની શિવપાર્ક સોસાયટી વિસ્તારમાં રહેતા બીપીનભાઈ હિંમતભાઈ મહેતા બ્રાહ્મણ નામના ૫૫ વર્ષના આધેડ નટરાજ ફાટક પાસેથી નીકળ્યા હતા ત્યારે પોલીસે ઝડતી લેતા તેમની પાસેથી દારૂની એક બોટલ મળી આવતા રૂપિયા ૭૪૭ ના દારુ સાથે તેમની ધરપકડ કરી ધોરણસરનો ગુનો નોંધી આગળની કાર્યવાહી કરવામાં આવી હતી.

ગુમ પરત

મોરબીના સામાકાંઠે મહેન્દ્રનગર ગામ પાસે સર્વોપરી સ્કૂલ નજીક દેવપાર્ક વિસ્તારમાં રહેતા અશ્વિનભાઈ નરસીભાઈ અદગામા કોળી નામનો ૨૨ વર્ષનો યુવાન થોડા દિવસો પહેલા ઘરેથી કોઇને કંઇ કહ્યા વગર ઘરેથી ગુમ થઈ ગયો હતો. તે ગત તા.૨૬-૭ ના હેમખેમ ઘરે પરત આવી જતા પોલીસમાં જાણ કરવામાં આવી હતી.યુવાન પરત આવી જતા પરિવાર દ્વારા રાહતનો શ્વાસ લેવામાં આવ્યો હતો.