મોરબી શહેર-તાલુકા અને માળીયા (મી) તાલુકામાં જુગારની 3 રેડ: 11 શખ્સો ઝડપાયા
Morbi Today
મોરબી નજીક બાઇકને હડફેટે લઈને યુવાનનું મોત નિપજાવનાર બોલેરોના ચાલક સામે ગુનો નોંધાયો
SHARE
JOIN OUR GROUP
મોરબી નજીક બાઇકને હડફેટે લઈને યુવાનનું મોત નિપજાવનાર બોલેરોના ચાલક સામે ગુનો નોંધાયો
મોરબીમાં કામેથી પરત ઘરે જઈ રહેલા યુવાનના બાઈકને બોલેરોના ચાલકે હડફેટે લેતા અકસ્માતનો બનાવ બનેલ હતો જે બનાવમાં ઇજા પામેલ યુવાનનું ઘટના સ્થળે જ મોત નીપજ્યું હતું. જેથી ડેડબોડીને પીએમ કરવા માટે સિવિલે લઈને આવ્યા હતા અને આ બનાવ સંદર્ભે હાલમાં બોલેરો ગાડીના ચાલક સામે તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી કરી છે.
મોરબીમાં શક્તિ ચેમ્બર પાછળ આવેલ ઉમિયાનગર સોસાયટીમાં રહેતા કાંતીલાલ હરજીવનભાઈ કણસાગરા (58)એ મોરબી તાલુકા પોલીસ સ્ટેશન ખાતે બોલેરો ગાડી નં જીજે 13 એક્સ 0740 ના ચાલક સામે ફરિયાદ નોંધાવેલ છે જેમાં જણાવ્યુ છે કે, તેનો ભત્રીજો બટુકભાઈ જયંતીલાલ કણસાગરા (23) મોરબીના સામાકાંઠે સોઓરડી વિસ્તારની પાછળ આવેલ ઉમિયાનગર વિસ્તારમાં રહે છે અને તે પોતાનું બાઇક નંબર જીજે 3 એ કયુ 2668 લઈને કામ ઉપરથી પરત ઊંચી માંડલ ગામ બાજુથી ઘૂટું ગામ તરફ ઘરે જવા માટે આવી રહ્યો હતો ત્યારે તા.29/7 ના સાંજના ચારેક વાગ્યાના અરસામાં તેના બાઈકને બોલેરોના ચાલકે હડફેટે લીધું હતું. આ બનાવમાં ગંભીર ઇજાઓ થવાથી બટુકભાઈ કણસાગરાનું ઘટના સ્થળે જ મોત થયુ હતુ. વધુમાં પોલીસ પાસેથી મળતી માહિતિ મુજબ મૃતક યુવાનના ચાર મહિના પહેલા જ લગ્ન થયા હતા અને અકસ્માતમાં યુવાનનું મોત નિપજતા પરિવારમાં શોક વ્યાપી ગયો છે અને હાલમાં મૃતક યુવાનના કાકાએ નોંધાવેલ ફરિયાદ આધારે મોરબી તાલુકા પોલીસ સ્ટેશન ખાતે બોલેરોના ચાલક સામે ગુનો નોંધીને પોલીસે આગળની કાર્યવાહી કરેલ છે.
