હળવદના ઘનશ્યામપુર ગામે ઘરમાં જુગાર રમતા 3 શખ્સ 51,300 ની રોકડ સાથે પકડાયા

હળવદ તાલુકા પોલીસની ટીમ પેટ્રોલિંગમાં હતી ત્યારે ઘનશ્યામપુર ગામે રહેતા શખ્સના ઘરની અંદર જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે ઘરધણી સહિત કુલ ત્રણ વ્યક્તિઓ જુગાર રમતા મળી આવ્યા હોય પોલીસે 51,300 ની રોકડ સાથે તેની ધરપકડ કરી હતી અને હળવદ તાલુકા પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે.

હળવદ તાલુકાના ઘનશ્યામપુર ગામે રહેતા હરપાલસિંહ ઝાલાના મકાનમાં જુગાર રમતા હોવાની હકીકત મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી જુગાર રમતા ઘરધણી હરપાલસિંહ જયેન્દ્રસિંહ ઝાલા તથા વિજયસિંહ કરણસિંહ ઝાલા રહે. કોયબા અને સોમાભાઈ વાલાભાઈ સોલંકી રહે. ઘનશ્યામપુર વાળા જુગાર રમતા મળી આવ્યા હોય પોલીસે તેઓની પાસેથી 51,300 રૂપિયાની રોકડ કબજે કરી હતી અને હળવદ તાલુકા પોલીસ સ્ટેશન ખાતે જુગારધારા હેઠળ ગુનો નોંધીને આગળની કાર્યવાહી હાથ ધરી છે

મારા મારીમાં ઇજા

મોરબીના પંચાસર રોડ ઉપર રહેતા મોહન નેકબહાદુર નેપાળી (32)ને બાલાજી શ્યામ રેસીડેન્સી પાસે મારામારીના બનાવમાં ઈજા થઈ હતી જેથી તેને સારવાર માટે હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી હતી

મહિલા સારવારમાં

મોરબીના નાનીવાવડી રોડ ઉપર આવેલ રંગાણીની વાડી ખાતે રહેતા અંકિતાબેન ખીમજીભાઈ કંઝારીયા (32) નામની મહિલાએ કોઈ કારણોસર વધુ પડતી ઊંઘની ગોળી પી લીધી હતી જેથી તેને સારવાર માટે મોરબીની મંગલમ હોસ્પિટલ ખાતે લાવ્યા હતા અને ત્યાં તેને સારવાર આપીના બનાવની એ ડિવિઝન પોલીસમાં જાણ કરવામાં આવી છે