મોરબીના સોખડા ગામના ખેડૂતોનો MRC કમિટીમાં પ્રતિનિધિ આપવાનો નનૈયો
Morbi Today
મોરબીમાં કારખાનામાં ભાગીદાર બનાવવાનું કહીને આધેડ સાથે 1.13 કરોડનો વિશ્વાસઘાત
SHARE
JOIN OUR GROUP
મોરબીમાં કારખાનામાં ભાગીદાર બનાવવાનું કહીને આધેડ સાથે 1.13 કરોડનો વિશ્વાસઘાત
મોરબીમાં આવેલ આલાપ પાર્ક વિસ્તારમાં રહેતા આધેડને ભંગારના કારખાનામાં ભાગ રાખવાની લાલચ આપવામાં આવી હતી અને ત્યારબાદ તેની પાસેથી 1.13 કરોડ રૂપિયા મેળવવામાં આવ્યા હતા જોકે, આધેડને કારખાનામાં ભાગીદાર તરીકે લેવામાં આવ્યા ન હતા અને તેના પૈસા પણ તેને પાછા આપવામાં આવ્યા ન હતા આટલું નહીં પરંતુ તેઓને જાનથી મારી નાખવાની ધમકી આપવામાં આવી હતી જેથી હાલમાં આધેડે મોરબી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
મૂળ બીલીયા ગામના રહેવાસી અને હાલમાં મોરબીમાં આવેલ આલાપ પાર્ક શેરી નંબર 11માં રહેતા સંજયભાઈ અંબારામભાઈ સાણંદિયા (50)એ ગૌરવભાઈ જયંતીલાલ ડઢાણીયા રહે. આલાપ પાર્ક શેરી નંબર 3 મોરબી વાળા સામે વિશ્વાસઘાતની ફરિયાદ નોંધાવી છે જેમાં તેને જણાવ્યુ છે કે, આરોપીએ ભંગારના કારખાનામાં ભાગ રાખવાની ફરિયાદીને લાલચ આપી હતી અને ત્યારબાદ અલગ અલગ સમયે તેની પાસેથી કુલ મળીને 1.13 કરોડ રૂપિયા મેળવી લેવામાં આવ્યા હતા અને ફરિયાદીને ધંધામાં ભાગીદાર તરીકે રાખવામાં આવેલ નથી અને તેના 1.13 કરોડ રૂપિયા પરત પણ આપવામાં આવ્યા નથી આટલું નહીં પરંતુ ફરિયાદીને જાનથી મારી નાખવાની ધમકી આપવામાં આવે છે જેથી ફરિયાદીએ વિશ્વાસઘાતની ફરિયાદ નોંધાવતાં પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે
