મોરબીના નહેરુ ગેટ ચોક, રવાપર અને શનાળા રોડ સહિતના માર્ગો ઉપરથી દબાણો હટાવ્યા

મોરબીના નહેરુ ગેટ ચોક પાસે માર્કેટની પાછળના ભાગમાં તેમજ નહેરુ ગેટથી લઈને જૂના બસ સ્ટેશન સુધી અને ત્યાંથી રામચોક સુધીના વિસ્તારમાં મહાપાલિકાના એસ્ટેટ શાખાના અધિકારી અને કર્મચારી દ્વારા લારી ગલ્લા સહિતના દબાણોને દૂર કરવા માટેની કાર્યવાહી કરવામાં આવી હતી તેમજ એસપી રોડ પાસે રોડ પરના 12 ઝૂંપડ હટાવ્યા હતા. તેમજ રવાપર ગામ પાસે રોડ બને છે ત્યાં લારીના દબાણ હતા ત્યાંથી 15 લારી, અવની ચોકડી પાસેથી લારીઓ હટાવીને 17 વજન કાંટા જપ્ત કર્યા હતા તેમજ નરસંગ ટેકરી પાસે હોકર્સ જોનની વિઝીટ કરીને પૈસા ભર્યાંની પહોંચ ચેક કરી હતી તેમજ ઉમિયા સર્કલ પાસેથી 6 વજન કાંટા જપ્ત કર્યા હતા. અને જુદીજુદી જગ્યાએથી કુલ મળીને 2000 જેટલો દંડ પણ વસૂલ કરવામાં આવેલ હતો.