ટંકારા નજીક કારખાનામાં કામ દરમ્યાન માથામાં ઇજા પામેલા યુવાનનું સારવારમાં મોત

ટંકારાના લતીપર રોડ ઉપર આવેલ કારખાનામાં કામગીરી દરમિયાન યુવાનને માથાના ભાગે ગંભીઉ ઇજા થઈ હતી જેથી ઈજા પામેલ યુવાનને સારવાર માટે મોરબીની ખાનગી હોસ્પિટલમાં લાવ્યા હતા અને ત્યાં તેને સારવાર દરમિયાન તેનુ મોત નીપજયું હતું જેથી આ બનાવની હોસ્પિટલ મારફતે ટંકારા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી

મહેસાણા જિલ્લાના ખેરાલુ તાલુકાના ડભોળા ગામે ઉગમણા વાસમાં રહેતા રોહિતભાઈ ભરતજી ઠાકોર (40) નામનો યુવાન ટંકારા તાલુકાના લતીપુર રોડ ઉપર આવેલ શ્યામ કેટલ ફીટ કારખાનામાં કામગીરી કરી રહ્યો હતો દરમિયાન તેને માથામાં ઇજા થઈ હતી જેથી યુવાનને સારવાર માટે મોરબીની આયુષ હોસ્પિટલ ખાતે લઈને આવ્યા હતા ત્યાં ચાલુ સારવાર દરમિયાન તે યુવાનનું મોત નિપજ્યું હતું જેથી આ બનાવની હોસ્પિટલ મારફતે ટંકારા તાલુકા પોલીસ સ્ટેશન ખાતે જાણ કરતા પોલીસે અકસ્માતના બનાવની નોંધ કરી આગળની કાર્યવાહી હાથ ધરી છે

અકસ્માતમાં ઇજા

મોરબી તાલુકાના ખેવારીયા ગામે રહેતા વાહીદ સબીરહુસેનભાઈ ખોખર અને શાહિદ રફીકભાઈ ખોખર નામના બે વ્યક્તિ બાઈકમાં મોરબીથી પોતાના ઘર તરફ પાછા જઈ રહ્યા હતા ત્યારે વાવડી અને ઈશ્વરીયા મહાદેવ મંદિરની વચ્ચે તેઓના બાઈકની આડે ઢોર આવી જવાના કારણે અકસ્માતનો બનાવ બન્યો હતો જે બનાવમાં બંને વ્યક્તિને ઇજા થઇ હોવાથી તેને સારવાર માટે હોસ્પિટલે લઈને આવ્યા હતા અને ત્યાં તેને સારવાર આપીને બનાવની પોલીસને જાણ કરવામાં આવી હતી