મોરબી નજીક બાઇક ચાલકે હડફેટે લેતા ગંભીર ઇજા પામેલ વૃદ્ધાનું મોત
Morbi Today
મોરબીના ટીંબડી પાસે અકસ્માતના બનાવમાં વિદ્યાર્થીનું મોત: ટ્રેકટર ચાલક સામે ગુનો નોંધાયો
SHARE
JOIN OUR GROUP
મોરબીના ટીંબડી પાસે અકસ્માતના બનાવમાં વિદ્યાર્થીનું મોત: ટ્રેકટર ચાલક સામે ગુનો નોંધાયો
મોરબીના પીપળી ગામેથી ટીંબડી ગામ તરફ જતા રોડ ઉપર શનિવારે વહેલી સવારે સાતેક વાગ્યે અકસ્માત બનાવ બન્યો હતો. જેમાં ચાર સવારી સ્કૂટર ઉપર વિદ્યાર્થીઓ સ્કૂલે જતાં હતા ત્યારે આગળ જઇ રહેલા પાણીના ટેન્કરને ઓવરટેક કરતા સમયે સામેથી આવતા ટ્રેક્ટરની સાથે ધડાકાભેર બાઇક અથડાયું હતું. જે બનાવમાં બાઇક ચાલક વિદ્યાર્થીનું મોત નિપજયુ હતું. અને ત્રણ વિદ્યાર્થીઓને નાની-મોટી ઈજાઓ થઈ હતી જો કે, આ બનાવમાં મૃતક બાળકના પિતાની ફરિયાદ લઈને પોલીસે ટ્રેક્ટર ચાલક સામે ગુનો નોંધીને આગળની કાર્યવાહી કરેલ છે.
મોરબી તાલુકા પોલીસ સ્ટેશન ખાતે પીપળી ગામે આવેલ શિવ પાર્ક સોસાયટી-2 માં રહેતા રાધેશ્યામભાઈ સોકતસિંગ રાવત (39)એ હાલમાં ટ્રેક્ટર નંબર જીજે 20 એક્યૂ 3255 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યુ છે કે, તેઓનો દીકરો રામચંદ્ર રાધેશ્યામ રાવત (15) બાઇક નંબર જીજે 36 એએચ 6710 ચલાવી રહ્યો હતો અને તેની સાથે બાઇક ઉપર આર્યન મનીષભાઇ ગેડીયા (14) રહે.શિવપાર્ક સોસાયટી પીપળી રોડ મોરબી, પ્રિન્સ પ્રકાશભાઇ જોશી (14) રહે.શિવપાર્ક સોસાયટી પીપળી રોડ મોરબી અને રાજદીપ નટવરભાઈ ભાંભોર (14) રહે.ટીંબડી પાટીયા મોરબી વાળા બેઠેલા હતા અને તેઓ સ્વસ્તિક હાઈસ્કુલ પીપળી ખાતે જતા હતા ત્યારે વાહનનો ઓવરટેક કરવા જતાં સમયે સામેથી આવતા ટ્રેક્ટર સાથે તેઓની બાઈક અથડાયું હતું જે બનાવમાં ફરિયાદીના દીકરાને ગંભીર ઇજા થતાં તેનું મોત નીપજયું હતું જો કે, અન્ય ત્રણ બાળકોને ઇજા થઈ હતી જેથી તેને સિવિલ હોસ્પિટલે સારવાર માટે ખસેડાયા હતા. હાલમાં મૃતક બાળકના પિતાની ફરિયાદ લઈને પોલીસે ગુનો નોંધીને આગળની કાર્યવાહી કરેલ છે.
