મોરબી જિલ્લામાં મતદાનના દિવસે જાહેર રજા

મોરબી જિલ્લામાં ૧લી ડિસેમ્બરના રોજ મતદાન યોજાનાર હોઈ સમગ્ર જિલ્લામાં ‘જાહેર રજા’ જાહેર કરાઈ છે જેથી કરીને વધુ વધુ મતદાન થાય તેવી શક્યતા સેવાઇ રહી છે

ગુજરાત રાજ્યની સામાન્ય વિધાનસભાની ચૂંટણી સંદર્ભે ૦૧ લી ડિસેમ્બર ૨૦૨૨ના રોજ પ્રથમ ચરણમાં મોરબી જિલ્લામાં મતદાન યોજાનાર છે. રાજ્યના સામન્ય વહીવટ વિભાગ દ્વારા મતદાન માટે સબંધિત જિલ્લાઓમાં ‘જાહેર રજા’ તરીકે જાહેર કરવામાં આવે છે. જે અન્વયે ૧લી ડિસેમ્બરના રોજ મોરબી જિલ્લામાં પણ સામાન્ય વહીવટ વિભાગના પરિપત્ર દ્વારા નેગોશિએબલ ઇન્સ્ટ્રુમેન્ટ એક્ટ હેઠળ ગુજરાત વિધાનસભાની ચૂંટણીમાં પ્રજાજનો મોટી સંખ્યામાં મતદાનમાં ભાગ લઈ શકે તે માટે રજા જાહેર કરવામાં આવી છે.