મોરબીમાં યુવાનને ૩૦ ટકાના ઊંચા વ્યાજે રૂપિયા આપીને પઠાણી ઉઘરાણી કરનાર ત્રણ પૈકી બે આરોપીની ધરપકડ
Morbi Today
મોરબીમાં ભીમસર પાસે થયેલ મારામારીના બનાવમાં બંને પક્ષેથી ૧૧ આરોપીઓની ધરપકડ
SHARE
JOIN OUR GROUP
મોરબીમાં ભીમસર પાસે થયેલ મારામારીના બનાવમાં બંને પક્ષેથી ૧૧ આરોપીઓની ધરપકડ
મોરબીમાં ઉમા ટાઉનશિપ સામે આવેલ ભીમસર પાસે યુવાનને રોકીને અમારા વિશે ખોટી વાતો કરો છો કહીને આઠ શખ્સો દ્વારા કુહાડી, પાઇપ, ધોકા જેવા હથિયાર વડે હુમલો કરીને માર મારવામાં આવ્યો હતો જેથી કરીને ઇજાગ્રસ્તોને સારવારમાં ખસેડાયા હતા અને ત્યાર બાદ યુવાને નોંધાવેલ ફરિયાદ આધારે પોલીસે રાયોટિંગ સહિતની કલમ હેઠળ ગુનો નોંધીને આરોપીઓને પકડવા માટે તજવીજ શરૂ કરવામાં આવી હતી અને આ મારા મારીના બનાવમાં સામસામી ફરિયાદ નોંધાઈ હતી તેના આધારે પોલીસે બંને પક્ષેથી આ ૧૧ આરોપીને પકડવામાં આવેલ છે અને આગળની કાર્યવાહી કરવામાં આવી છે
જાણવા મળતી માહિતી મુજબ મોરબીના વેજીટેબલ રોડે પંચમુખી હનુમાન મંદિરની પાછળના ભાગમાં રહેતા હનીફભાઈ હબીબભાઈ જામ જાતે મિયાણા (૩૦) એ મોરબી સીટી બી ડિવિઝન પોલીસ સ્ટેશન ખાતે હાજીભાઇ સીદીકભાઇ ખોળ, હાજરાબેન હાજીભાઇ ખોળ, અસલમભાઇ હાજીભાઇ ખોળ, શાહરૂખભાઇ હજીભાઇ ખોળ, અલ્તાફ હાજીભાઇ ખોળ, હાજીભાઇનો સાળો રફીકભાઇ, અનીશભાઇ હુશેનભાઇ સંધી, રીયાજભાઇ ગુલામભાઇ જેડા, સાહીલભાઇ અસગરભાઇ જેડા તથા બીજા બે અજાણ્યા માણસો રહે. બધા મોરબી વાળાની સામે ફરિયાદ નોંધાવી હતી કે તેના ભાઈઓ અને સાહેદોને આરોપી હાજીભાઈ સીદીકભાઈ ખોળ દ્વારા રોકીને અમારા વિશે ખોટી વાતો કરો છો તેમ કહીને બોલાચાલી કરવામાં આવી હતી ત્યાર બાદ સાહેદો ત્યાંથી નીકળ્યા હતા ત્યારે તેને ઊભા રાખીને આરોપીઓએ કુહાડી, પાઇપ, ધોકા જેવા હથિયાર વડે હુમલો કર્યો હતો અને ફરિયાદી તેમજ સાહેદોને ગાળો આપીને બોલાચાલી કરીને જાનથી મારી નાખવાની ધમકી આપી હતી ત્યારે સલીમભાઈને પગમાં ફ્રેક્ચર તથા માથામાં ઇજા કરી હતી તેમજ ફરિયાદીને માથામાં સામાન્ય ઇજા થયેલ હતી અને વલીમહમદને કુહાડીથી આંખ પાસે ઈજા કરી હતી જેથી કરીને તેને સારવારમાં ખસેડવામાં આવ્યા હતા અને ફરિયાદીના એકટીવામાં પણ તોડફોડ કરવામાં આવેલ હતી જે ગુનામાં પોલીસે હાલમાં હાજીભાઇ સીદીકભાઇ ખોળ (૫૫) અને હાજરાબેન હાજીભાઇ ખોળ (૪૫) રહે. ભીમસર, અસલમભાઇ હાજીભાઇ ખોળ (૨૪) રહે. લાતી પ્લોટ, શાહરૂખભાઇ હજીભાઇ ખોળ (૨૧) રહે. જોન્સનગર, અલ્તાફ હાજીભાઇ ખોળ (૨૦) રહે. ભીમસર, રફીકભાઇ ઉર્ફે મહમદ અબકુલ કટિયા (૨૫) રહે. વિરમગામ, અનીશભાઇ હુશેનભાઇ સંધી (૧૯) રહે. ખ્વાજા પેલેસ પાસે લાતી પ્લોટ, રીયાજભાઇ ઉર્ફે ભૂરો ગુલામભાઇ જેડા (૨૩) રહે. જોન્સનગર, સાહીલભાઇ અસગરભાઇ જેડા (૨૧) રહે. ભીમસર તેમજ રાહુલ ભરત સારલા જાતે કોળી (૨૪) રહે. જોન્સનગર વાળાની ધરપકડ કરેલ છે
જયારે સામાપક્ષેથી વેજીટેબલ રોડ ભીમસરમાં રહેતા હાજરાબેન હાજીભાઈ ખોળ જાતે મિયાણા (૪૫) એ વલીમહમદ હબીબભાઈ જામ, સલીમભાઈ હબીબભાઈ જામ અને હનીફભાઈ હબીબભાઈ જામ રહે. બધા ઉમા ટાઉનશીપ સામે વેજીટેબલ રોડ મોરબી વાળાની સામે ફરિયાદ નોંધાવી હતી કે, આરોપીઓએ તેના ઘર પાસે આવીને તેના પતિ હાજીભાઈ સાથે ગાળા ગાળી કરીને જપાજપી કરી હતી અને ઢીકાપાટુનો માર માર્યો હતો અને ત્યારે વલીમામદ જામ દ્વારા ફરિયાદીના પતિ હાજીભાઈને જાનથી મારી નાખવાની ધમકી આપવામાં આવી હતી જેથી કરીને તેના પતિને બચાવવા માટે થઈને ફરિયાદી હાજરાબેન તથા સાહેદ હવાબેન વચ્ચે પડ્યા હતા ત્યારે વલીમહમદ જામ દ્વારા તેની પાસે રહેલ લાકડી વડે બંને મહિલાને માર મારવામાં આવ્યો હતો અને અન્ય આરોપીઓએ પણ વલીમામદ જામને મદદ કરી હતી જેથી હાજરાબેન ખોળ દ્વારા નોંધાવવામાં આવેલ ફરિયાદ આધારે પોલીસે આ ગુનામાં હનીફ હબીબભાઈ જામ જાતે મિયાણા (૩૦) રહે. ઉમા ટાઉનશિપ સામે, વેજીટેબલ રોડ મોરબી વાળાની ધરપકડ કરેલ છે અને બાકીના આરોપીઓને પકડવા માટે તજવીજ ચાલી રહી છે
