મોરબીના શક્તિ ચેમ્બર પાસે બાઇકને ટ્રક ચાલકે હડફેટે લેતા ઇજા પામેલ યુવાન સારવારમાં

મોરબી વાંકાનેર હાઇવે ઉપર શક્તિ ચેમ્બર પાસેથી યુવાન પોતાનું બાઈક લઈને જઈ રહ્યો હતો ત્યારે તેના બાઇકને કન્ટેનરના ચાલકે હડફેટ લીધું હતું જેથી અકસ્માતનો બનાવ બન્યો હતો અને તેમાં યુવાનને બંને હાથે અને પગે ઇજા થઈ હોવાથી તેને સારવાર માટે લઈ ગયા હતા અને આ બનાવની યુવાનના ભાઈએ મોરબી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે 

બનાવની જાણવા મળતી માહિતી મુજબ હળવદ તાલુકાના રાતાભેર ગામે રહેતા પ્રકાશભાઈ બેચરભાઈ કાંજિયા જાતે કોળી (૨૩) એ ટ્રક કન્ટેનર નં. જીજે ૧૨ બીએફ ૮૦૦૨ ના ચાલક સામે ફરિયાદ નોંધાવી છે જેમાં તેને જણાવી છે કે, મોરબી વાંકાનેર હાઈવે ઉપર આવેલ શક્તિ ચેમ્બર પાસેથી તેનો ભાઈ અજય કાંજિયા (૨૧) પોતાના હવાલા વાળું બાઈક નં. જીજે ૩૬ જે ૮૨૧૮ લઈને પસાર થઈ રહ્યો હતો ત્યારે કન્ટેનરના ચાલકે તેને ટક્કર મારી હતી જેથી અજયને બંને હાથ અને પગમાં ઇજાઓ થઈ હતી માટે તેને સારવારમાં લઈને ગયા હતા અને ટ્રક કન્ટેનર ચાલક અકસ્માત સર્જીને પોતાનું વાહન લઇને સ્થળ ઉપરથી નાસી ગયો હતો જેથી હાલમાં ઇજાગ્રસ્ત યુવાનના ભાઈએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે